تويت
علي الاكبر والحسين ع//ابو ايمان
علي الأكبر من نزل . أتعنه صوب حسينه
عا لكفر لمن حمل . حسين هلّت عينه
صاح يبني يا علي . بهمي عگبك أنملي
يا علي يا علي ...... يا علي يا علي
****************
لاح يوم المعركة والفجر طر نوره
وباتت أفلول الكفر تملي المعموره
شرعة أسيوف الحقد والظلال بجوره
شن على آل النبي حملته المشهوره
واعتنت صوب الخيم . روّعت كل الحرم
وصوت ناداه الولي . بهمي عگبك أنملي
يا علي يا علي ....... يا علي يا علي
***********
علي الأكبر معتني للولي بدموعه
شايل آهات الصبر ظنوته بضلوعه
صاح يا بن حيدره وصيحته مسموعه
انوي للحومه أطب ومن حچاها بلوعه
صاح يحسين بحزن. والدمع يملي الجفن
والألم ما ينجلي . بهمي عگبك أنملي
يا علي يا علي ...... يا علي يا علي
***********
دنا قبّل والده وگله رخصه انطيني
روحي افديها إلك وارد أضحي الديني
صدري قيح انه أمتله وما تركني ونيني
أرد اصيحن بالعدى بدمي لفدي حسيني
اگلب ألحومه من أطب . وانه سردال الحرب
منهو اليبرز ألي . بهمي عگبك أنملي
يا علي يا علي ...... يا علي يا علي
***********
ارد اراويهم علي من يطب الحومه
وارد اجندل كل بطل بساحة الملزومه
ارد اصيح انه علي زودي هاي اعلومه
والي يم سيفي گرب موتته محتومه
مثل حيدر طبرتي . عزمه عزمي وصولتي
ومثل حيدر ما يلي . . بهمي عگبك انملي
يا علي يا علي يا علي يا علي
***********
من لكد غوجه ونوه اله شادت كربله
يحصد بروس الزلم هذا ابن عقد الوله
بكر بن غانم برز وعتنه الاكبر اله
با غتاه وناوره وعله الغبره جندله
وليله لمن ندبته . حسين هلت دمعته
گال خوفي ينولي . . بهمي عگبك انملي
يا علي يا علي يا علي يا علي
**********
امه عاودها ورجع وعتناها الحومته
دخل جمعات العده والعطش فت چبدته
صدته ليله وبچت ونحبت من شافته
عالتراب امگطعه تنزف بدم جثته
صارت اتگوم وتطيح . وبحنان الام تصيح
منهو يبره المحملي . . بهمي عگبك انملي
يا علي يا علي يا علي يا علي
**********
تعليق