تويت
للعباس عليه السلام//ابو ايمان المجراوي
وين العباس يا بويه . وين العباس
گال بجودي اليوم أرويكم . واطفي النار التلهب بيكم
وين العباس
**************
بالعطش يحسين ذابت ألمهجه . وجيّت العباس كلنه نترجه
طوّل أغيابه شنهو ألحجه . والصبر چتال ها لفكر رجّه
وتصيح الروح يا عمي . وتصيح الروح
گلت بهم لا ما أخليكم . واطفي النار التلهب بيكم
وين العباس
*************
هذا صوت أيصيح يألچفيل اسمع . كلنه متلهفين والمقل تدمع
ليش يا عباس ليش ما ترجع . يا لغيابك بيه عشنه نتلوع
صوت الأطفال لينادي . صوت الأطفال
وينك يألگلت انه أحميكم . واطفي النار التلهب بيكم
وين العباس
**********
يا أسد معروف يشهد الميدان . عگبك أعلينه جارت العدوان
يا حليف الزود وفارس الفرسان . وصلت أخيامك آل أبو سفيان
حرگو الخيام من بعدك . حرگو الخيام
صيح بصوتك ما ناسيكم . واطفي النار التلهب بيكم
وين العباس
***********
يا أبو فاضل وضنوة الكرار . للدرب نربي والفكر محتار
بالگلب عمي تستعر چم نار . والعيون أتشوف غارة الأشرار
كل الأيتام روعوها . كل الأيتام
وانته الناديت انه أ ويكم . واطفي النار التلهب بيكم
وين العباس
***********
ونّه نوح أواه ودمعة التسري . والحزن شلال بالگلب يجري
هذا حال الآل بعدك وتدري . والحسين أيصيح انكسر ظهري
ضل وحده حسين با لحومه . ضل وحده حسين
يسأل شو طوّل حاديكم . واطفي النار التلهب بيكم
وين العباس
تعليق