تويت
الرباب والرضيع ع/ابو ايمان المجراوي
ا يبني . ا يبني . يا عبد الله ا يبني
**********
يا مظلوم بهاي ألنبله . گلبي أنصاب وخضّب كلّه
خلّه أبروحي أتعيش العلّه
هذا السهم صوّبني . يا عبد الله ا يبني
*********
من خضّب نحرك يا روحي . كثرة بالآلام أجروحي
ما هوود واليومك نوحي
يم الأجل قرّبني. يا عبد الله ا يبني
*********
يا مهجة گلبي ودلالي . يا فرحة عمري وآمالي
ما احمل فگدك يا لغالي
طول الوكت نحّبني . يا عبد الله ا يبني
***********
اصفن وأتأمل تصويرك . بعيوني وما اذكر غيرك
بس گلبي اليعرف تفسيرك
فگدك صعب عذبني . يا عبد الله ا يبني
***********
يا أثمن من ماي عيوني . يا عمري وفرحي وأضنوني
يوليدي بقتلك فجعوني
دمّك نزف خضّبني . يا عبد الله ا يبني
*********
يا زهرة عمري الما تذبل . يا عطري ألما ضن يتبدل
بأحضاني أتضل چنت أتأمل
حبيتك وأدريك أتحبني . يا عبد الله ا يبني
*********
گلبي أيناديك وما عا فك . ما أنسى أشما صار أوصافك
غمّت دنياي انه خلاقك
ظلمه ودهري القاسي أرعبني . يا عبد الله ا يبني
**************
تعليق