تويت
عبد الله الرضيع//ابو ايمان المجراوي
يا لغالي يا لغالي . والمهد ضل خالي
***********
يا نفحة عشگ روحي ويا نسمة عطر وعذب
بهيام انه على أفراگك يمن بفراگك أتعذب
ينشوة خاطري وبالي الجنون أبفكري ضل يلعب
وصبري ألليله ها جرني وعلى جمر ألغضه اتگلب
وبالي وبالي . أصبحت وبالي
صور لإحزاني مرسومه . بخيالي بصحوته ونومه
************
صور في بالي محفوظة وحقا يق مگدر أنساها
چنت أشهدها بعيوني وعيش بفرحه ويّاها
على گلبي أحفظتها انه بظواهرها وخفاياها
مشاهد گأبلت عيني ونبض گلبي تبناها
ودلالي دلالي . عاشرها دلالي
صارت للگلب خله . يبني وعاشت بظله
**********
ما غمضت ابد عيني لان من تغمض اتعوفك
ولا مر بيه يبني النوم لان من اغفوا ما أشوفك
غافي انته وانه بها لحال ألاحظ يبني بظروفك
وأحس أبلا شعور انه اقبّل راحة چفوقك
وبحالي وبحالي . لمن اشعر بحالي
اشوفن گلبي يتدناك ينزل بالمهد ويّاك
************
كل يوم انه اعدده بعام وأيام العمر مره
عشت بغيابك الأيام مثل قابض على جمره
لهيب ألدمعه بعيوني اخذ من الجفن سحره
لان كل لحظه من دونك أموتن بيها ألف مره
تبرا لي تبرا لي . بالعمر تبرا لي
ما عشت العمر يا ريت . دونك يا لرحت ومشيت
*************
يا طير السعد ما هان عليّه واحمل أفراگك
من يوم الغبت لليوم أعوم بروجة اشواگك
يا شهد الشهد وأحله غيره الگلبي ما ضاگك
اعذرني ألفراقي آوياك من عندي الدهر باگك
أوصالي أوصالي . وگطّعت أوصالي
من يوم الغبت يبني . دهري بقسوه عذبني
******************
تعليق