تويت
اين الحسين ياميمون//ابو ايمان المجراوي
وحسين چاوينه .. وحسين چاوينه
************
خا لي يعمه المهر متعني لخيامي
مگلوب سرجه شفت من وگف جدامي
وبوتد فصطاطي اضربت يا عمتي هامي
محزون اجاني المهر وبهامته دامي
رد ليه يزينب .. صد بيه يزينب
وحسين چاوينه .. وحسين چاوينه
**********
حمحم بصوته وصرخ حسّيته ناداني
ملهوف اله أتوجهت والمرض يملاني
گرّبت يمه وشفت دم أللي رباني
حنّه نواصيه المهر يا عمتي وجاني
تلگيته يزينب .. حاچيته يزينب
وحسين چاوينه .. وحسين چاوينه
*************
أطوفن أعله المهر وتأمل أوضاعه
وبعيني مجرى الدمع لا ما نشف ساعه
يومي لي رأسه ويذل نفسه ألي طاعه
بحسين اگل للمهر دليني بگاعه
اوما لي يزينب .. شل حالي يزينب
وحسين چاوينه .. وحسين چاوينه
**************
صوب الطفوف اتجه ومگطعه أنفاسه
واخبرني عن الولي من اومه برأسه
صاح الظليمه المهر من باطن إحساسه
أنحنا يم الولي بنا صيّته وجاسه
من دمه يزينب .. خط جسمه يزينب
وحسين چاوينه .. وحسين چاوينه
*************
بعيوني شفت المهر جاثي على ألركبه
وحسين فوگ الأرض شيبته متخضبه
ها لحظه يا عمتي ما تنوصف صعبه
من شفته شم الولي وبمنحره حبه
هل دمعي يزينب .. رك ظلعي يزينب
وحسين چاوينه .. وحسين چاوينه
****************
تعليق