تويت
الزهراء والحسين ع//ابو ايمان المجراوي
ألك ابره ... وهل عبره ... حبيبي حسين انه ألزهره
**************
انه بسوح الوغى يبني . أحوم وبالثرة أتعثر
أطيح وانهض وعيني . تصد لك يُمّه وأتحسر
أشوفك طايح وجسمك . بسيوف ألرده توذر
واصد ألشيبك الطاهر . أشاهد بالدمه أتعفر
نزل دمعي ... ولچم ضلعي ... وأحس بالدمعه چن جمره
***********
يريحانة رسول الله . يزهرة گلبي يالغالي
هدم حيلي وعما عيني . حالك وانشده بالي
أحس طعناتك بصدري . تگطّع منها دلالي
وارد الحالك أتأمل . وأقارن حالك بحالي
شفت جسمك ... شلّت همك ... وانه بحالي العليم أدره
***********
صبر ما ضل بعد بيه . واصّبّر گلبي أو أهده
لان من عظم المصيبه . دليلي النايبه أتمرده
عساكر طاعت المنكر . بأوامر زمرة ألرده
عليك اتحاشمت يبني . وبألطف جمعة ألعدّه
جموع الشر ... يبو الأكبر ... تدوسك وانته عالغبره
************
اجيت اطفي بدمع عيني . نار البالگلب تلهب
أحط أيدي على جسمك . وضمّد جرحك الخضّب
أعفر وجهي من دمك . واشيلن راسك أو أنحب
وأشيل أيدي السماء الله . وأصيح أتقبله يا رب
انه اونيني ... على حسيني ... يضل طول العمر يجره
************
حزن وأشتد على روحي . ومرارة حزنك احملها
غصب عني يضي عيني . جثتك يمه اصد ألها
على الغبره بلا تكفين . رميه ومن يغسلها
ذبايح صارت أنصارك . وعترتك بالسبي كلها
يضربوها ... ويشتموها ... اشد والعن وأخس زمره
************
تعليق