تويت
وصية الزهراء لزينب ع//ابو ايمان المجراوي
ريّض لي يا خويه حسين . يا شبل عقد الوله
وصتني أمي ألزهره . قبلي الحسين بنحره . يا شبل عقد الوله
************
صوت العقيلة أيصيح من الخيم . يا خويه ريض والدمع دم سجم
من شافت حسين أعله أمره عزم . نادته هونك يا لولي وبألم
صاحت يبو ألغيره آوياك . يا خويه ألي مسئله
گربلي نحرك يحسين . وكشفلي صدرك ها لحين . يا شبل عقد الوله
************
صوب ألمدينه أتوجهت بت علي . يا لزهره نادت وبحزن تنملي
رُدّت وصيتچ يا لوديعة ألي . وبصدره شميته يا يمه الولي
شمّته ودموع العين . فوگ الجفن هامله
صارت تبوس المنحر . وأعله الصدر تتحصر . يا شبل عقد الوله
************
ناشدها يا زينب على ألي جره . يا خويه گولي والوضع أثره
گا لتله يا خويه الوديعة تره . وصّتني گا لت قبّلي منحره
وتنبأت لي بهاليوم . وگالت لي ابكربله
لو شفتي الحسين أوحيد . يهجم عله أعداه أيريد. يا شبل عقد الوله
*************
هلّت أدموعه وللمدينة التفت . ناده يا يمه والعقيلة بچت
خيل وزلم بالمعركه اتحشّدّت. تخلي الوسيعه من ذكرنه نوت
وبنحري تطلبني الگوم .وتيسّر العا يله
يا يمه بأرض الميدان . كل گومي فوگ التربان . يا شبل عقد الوله
***********
ودعها زينب والمدامع تصب . سل سيفه أخوها واتجّه للحرب
حال الوداع أبزينب أكثر صعب . نارا لهموم بكل جسمها تشب
ها لليله بنت الكرار . يا درب تنوي اله
بالغربة بين الظلام . وتمحنت بالأيتام . يا شبل عقد الوله
***********