تويت
زينب والحيره ع//ابو ايمان المجراوي
عين العقيله ....... مدمع تسيله
من غابت الوليان بالغا ضريه
*********
قصت حزن بألطف بالدمع ترسمها
عين العقيله اليوم من فاضة أبدمها
أصبح كدرها أجبال وملون أبهمها
حزن وغرب والنار مشتعله بخيمها
بين النوايب . شافت عجايب
صاحت يحيدر گوم وألحگ علّيّه
**********
چم لوعه بالحره منها الگلب ممرود
ومسابگ ألعبره ما خله عدها أخدود
وين الوجه تنطيه والوالي ما موجود
والحومه بالصوبين كلها ملتها أجنود
وتنادي عباس . حاطتني ألارجاس
انهض يخويه وشوف هاي المسيه
***********
نار ونبل وغبار والشمس مرتفعه
وبوسطة الميدان ولياها متگطعه
وين العقيله اتهم بهالحاله متلو عه
ضلّت بلا ناصر وتنادي يا لبضعه
يا يمه گومي . اوشوفي گومي
صارت ضحايه اليوم تملي ألوطيه
************
هم أعله هم وأهات تجرعهن الحره
وعله العقيله أيزيد حكم الدهر قهره
عگب الخدر والعز ويه الشمر تبره
لا خوه لا أنصار أخذوها متيسره
بين المجرمين . وتنادي يحسين
بالغربه يا مظلوم أختك سبيه
*************
متكلّفه بعيال بت حيدر ألليله
وتباري للأيتام وآليوگع أتشيله
ذابت مقل زينب من دمع التسيله
والهم كثر بيها ما گدرت أتزيله
تشرح هضمها . نگلت جدمها
باتت حزينه أتسير ويه آل آميه
************