تويت
ياشمس غيبي الگمر بارض الطفوف//ابو ايمان
يا شمس غيبي ألگمر بأرض الطفوف . نوّر الكون بطلعته أعله الألوف
(((((((((()))))))))))
يا گمر يا بالفضل . يا فخر يا بالفضل
***********
نوره شع بأرض الطفوف ابن الولي . وسيفه نار وبالكفر تصلي صلي
هذا راعي ألمرجله وضنوة علي . بزوده جندل كل بطل وأرغم أنوف
**********
نوور وزاح بطلعته كل ضلام . وشعشع بطف كربله بدر التمام
گمر عدنان وگمر كل الأنام . مثله با لدنيه فلا عين التشوف
**********
تضوي من نوره الشمس والها فخر . وشرّف ألگأع ألمشه أعليها ألگمر
نوور الكون أبطلعته من ظهر . ورأوه كل عدوانه أبسيفه الحتوف
**********
من تعنّه بسيفه وأگصد للفرات . ارهب العدوان واحرمها الحياة
بصولته أعله أعداه ما شافت نجاة . غير من أيده تفر فر الجحوف
**********
زلزل ألدنيه بطلعته من برّز . وصار يرعد بالأرض هزاها هز
صعد فوگ الروس ضل بيها يحز . وگطّع أيدين الذي شالت سيوف
***********
رخّص الروح وبذل كل مهجته . وذاد عن صبط الرسول وعترته
ما تأخر لحظه وإبطه أبصولته . هيمن بزوده وبده بسيفه يطوف
************
من دنّه العباس والگوم أدبرت . شافت أبعينه الخطر واتخطرت
فلّتت أعصابها وما سيطرت . ورجعت الحال الندامة والحسوف
************