تويت
من تعنه الماي ع//ابو ايمان
من تعنه الماي راعي ألمرجله
**********
اتحشدت گوم الغدر يم النهر . عدها نيّه تعترض درب ألگمر
تناسوا انه شبل من فارس مضر . البدر وحنين واحد تشهد اله
*********
من تعنه الماي واگصد للفرات . ما تهزّه أفلول جمعات الطُغاة
بزوده وبسيفه تخطّه المُعضلات . هذا ابن حيدر علي عقد الوله
*********
جوده بيمينه تعنه أبو الفضل . گاصد الماي ويجيبه عنده أمل
لان يدري أعيون رظعانه تطل . للّواء ألبيده عمهم شايلّه
*********
ما يهم عباس جمعات ألعده . دامه سيف الحق يلوح بساعده
خذ دماهم روه بيها أمهنده . خلّه روس أهل البغي تمله ألفله
*********
من وصل للماي عباس وگرب . شافت بعينه الكفرناروغضب
من دخل بگلوبهم طب الرعب . جاب بيده الموت بيهم نزّلّه
*********
زلزل ألگأع ألحوتهم من نزل . گلّب عاليها أعله واطيها البطل
ما بقت رغبه بحياة الهم وأمل . اگبال سيفه أليلتهم من يوصلّه
*********
