تويت
السبي ولسان الحال// ابو ايمان
من بعدك سبونه . يا خويه وعذبونه
تغربنه . وتمرمرنه . يا خويه وعذبونه
***********
اصبحنه بديار الغرب . من بعد فگد الوليان
يا خويه والدمع اليصب . يجرح مسيله الأجفان
باللوعة وأصوت النحب . نسري ونطوف البلدان
وبشتم واسواط الضرب . تعاملنه هاي العدوان
عگب فگدك ولينه . بهضم وبهم مشينه
نوون كلنه . تمرمرنه . يا خويه وعذبونه
*********
كل خيمة ما ضلت بعد . بيمن تلوذ النسوان
ما ضل كتّر من الخيم . ما تسري بيه النيران
واچماله طشّت با لفلا . يا خويه كل الرظعان
المن نصد ونلتفت . عگب الأهل بالميدان
بعد منهو ألتحشمه . النسه يا بو الايمه
ويصد ألنه . تمرمرنه . يا خويه وعذبونا
*********
بعيوني دمعات الحزن . وانظر عليك بكل حين
ابچي واصد ألجثّتّك . واندب وأحشم يحسين
بالحومه أشوفك منذبح . جسمك صبح خويه اثنين
عين ألتصد ألجثّتّك . ولراسك إبراء انه بعين
شده عگلي وكياني . وشعل نار وچواني
واجر ونّه . وتمرمرنه . يا خويه وعذبونه
*********
چم دمعه بالعين الجرة . وچم صوت يا خويه ألصاح
من عترت آل المصطفى . ألما بطلّت خويه أنواح
عين اليتامى الشاهدة . جسمك على الغبرة طاح
وصوت النساء الحايره . ومدمعها من عگبك ساح
تمنيتك شفتنه . يبچي الصخر ونّه
بأشد محنه . تمرمرنه . يا خويه وعذبونه
صارت حرا يركم عگب . عزها سبايا بلا وال
تمشي وتطيح أعله الأرض . والمدمع بدم همال
تحدي بضعنها أهل الكفر . بأصعب واشد الأحوال
عترت محمد أصبحت . مسجونة عند الأنذال
حرّم بيت الرسالة . سرت بيد النذالة
عگب عزنه . تمرمرنه . يا خويه وعذبونه
**********
تعليق