تويت
لسان حال العقيله ع//ابو ايمان
أبچي من هضم الفجيعة والتفت صوب الشر يعه
وجره ناري دمعي جاري
والتفت صوب الشر يعه
*****************
عيني على درب ألمشه بيه عباس وتنطّر بلهفه وگطّعت الأنفاس
وينه الذي حين اطلعت هز الرأس گال انه يمّج لا تهمج الارجاس
وينه القسّم بالزهره ينساني وانه الحره
بلحومه ما لومه
الهج وصيح بحيره بلساني يا بو الغيره
كل نهاري ودمعي جاري
والتفت صوب الشر يعه
***********
يوم الطفوف أبدنيتي أصعب يوم زاد وتخطه بحزنه يوم المسموم
بيه شاهدت كل الأهل تجري دموم فوگ الترايب والكفر يمها تحوم
بعيوني شفت الأكبر طايح صريع موذر
والقاسم ضل نايم
منصرّع فوگ ألوطّيه حنّتّه دم ألمنيه
منهو أباري ودمعي جاري
والتفت صوب الشر يعه
***********
هاي انه بت حيدر علي داح الباب أصبح سبيه باليسر بيد أجناب
ولياني خلصوا بالچتل والأحباب كلهم عفتهم والدمع دم سچّاب
جمّه وبليغة أجروحي ونوح الثكاله نوحي
وأحزاني بوجداني
اضرمت نار وچوتني ياخلگ وليه ولتني
ظلمه داري ودمعي جاري
والتفت صوب الشر يعه
*************
سهم الكدر وسط الگلب صكني ولاح حين التوجه للرضيع وبيه طاح
ميّت جرح بيه لچن هالاجراح ما عادلن هذا الجرح گلبي صاح
گلبي انمرد وتخذّم حين النزف نحره بدم
عبد الله أي والله
فاجعة يومك أليمه الكل گلب صارت نديمه
وبيه طاري ودمعي جاري
والتفت صوب الشر يعه
**********
المن اصدن والتفت شنهو الرأي وبالغبرة أنضرهم ذبايح ولياي
حرمه ووحيده أصبحت بين أعداي شنهو الجنيته وحاربتني دنياي
شنهو اليخّبّيه دهري حيّرني حتى بأمري
أذاني وخلاني
فارگت كل الحبايب وأجرع أنواع المُصايب
همّي ساري ودمعي جاري
والتفت صوب الشر يعه
*************
تعليق