تويت
عن الاربعين //ابو ايمان المجراوي
يهلي ويا سندي ألما بقه منكم بقيه . تلگوني بضعوني عدت للغا ضريه
**************
تلگوني يا خوتي انه الحرة العقيلة . الكم نويت وها لجدم بالگوه أشيله
جيت وجبت كل الحرم مدمع تسيله . وتسابگ ألدمعه الجدم كلنه سويه
************
من ديره الشام وتعب ذيچ ألمسيره . عوودنه نأمل نجتمع ويه العشيره
بهموم اجينه من السبي كلّش چثيره . هم وهضم وأصعب واشد بينه الرزيه
************
عيني وياضيها والنظر يا لغالي يحسين . متعنيه جيتك والسفرشل حالي والبين
انهض يبن فارس مضر يا مثبت الدين . مد أيدك ألنه ما بگت عدنه تچيه
************
تلگآني يا خويه الشهم يالوفي عباس . جيتك عگب ذاك اليسر أشهگ بالأنفاس
ما لومه ومورم المتن من سوط الارجاس . يمك اريدن اشكي هم يا خويه بيه
************
يا لأكبر أمك عاودت با لضعن وياي . ما بيها ضل من الدمع عين أمك الماي
طول الدرب ما بطلت يا لبت احشاي . تصرخ يا لأكبر ضنوتي شيرده أليه
***********
يا جاسم ورمله اجت دمعه أعله دمعه . تصرخ يجاسم والصده كلنه نسمعه
بيدي تگول أمك إلك جبت انه شمعه . واحملها انه أبروحي إلك لا مو بديه
***********
عبد الله يا نبض ألگلب أمك تنادي . لا ما نسيتك والنبي خير ألعبادي
بعيوني تسكن صورتك وارجع مرادي . يوليدي أشوفك صار أمل وجذوره بيه
***********
عزنه وفخرنه يا هلي يا خيرة الناس . نبع ألكرامه والآبه وأصحاب الإحساس
الكم رجعنه والگلب شوگه مينقاس . تلگونه جينة من السفر لأرض ألمنيه
***********
خطوه بأثر خطوه الدرب صرنه نعدّه . الملگاكم ولم الشمل هالضعن ودّه
ردينه يا أحفاد النبي من بعد مُدّه . لمّن جمعناها الحصل اربعينيه
************
تعليق