تويت
في الاربعين // ابو ايمان المجراوي
من اليسر ردينه . والگبرك أتعنينه
روس الأهل جبناتها . نحدي يخويه وياها . والگبرك أتعنينه
********
من الغرب وآ لامه . وأصعب واشد حالاته . رد الضعن هالليله
قوس الدهر وإسهامه . بيهم صفت رمياته . وتحيرت ها لعيله
ضعنك حضر بأيتامه . فوگ الجمر خطواته . منهو أللذي أيباري له
درب السبي بالآلام . خلّص مسيره الأيام
وكل حاله عانيناها . نحدي يخويه وياها . والگبرك أتعنينه
**********
من ساعة العفناكم . لوعة حزن تملينه . تحدي الدرب ويانه
گادتنه خويه أعداكم . لأرض الغدر تحدينه . لبن الدعية أعوانه
يا خويه فارگناكم . وبلا ولي ضلينه . نجرع مرار اعد انه
عسكر يزيد وگومه . طوّگ علينه ألحومه
هاللحضه ما ننساها . نحدي يخويه وياها . والگبرك أتعنينه
**********
لأجساد أهلها أعيالي . ضلّت تدير الناظر . حين الحداها الحادي
لمن مشت يالغالي . مكسورة كلها الخاطر . كل ساعة تسلك وادي
صوت النحب ضل عالي . ريت بيسرنه حاضر . تسمعنه من أنادي
زجر وخوّلّه الأوغاد . يسرونه بأمر ابن أزياد
والكوفة طبيناها . نحدي يخويه وياها . والگبرك أتعنينه
***********
لمن تركنه الكوفة . همِ وحزن مسرانه . وبچم بلّد مرّينه
درب السبي وظروفه . وبقسوة هاي اعد انه . ضرب وشتم تحدينه
چم موقف احنه أنشوفه . هاذ اليسر سلّانه . من ساعة الحل بينه
تحدي بغرب بين أجناب . عترت علي داح الباب
بين الخلگ مسراها . نحدي يخويه وياها . والگبرك أتعنينه
***********
شام النوايب ضعني . لمن وصل شاهدها . عيد أعلنت هالديره
أصبح يسرنه يعني . الهاي الخلگ فرحتها . وتبشر بهالسيره
وانه الدهر لوعني . بأيتامي وبحالتها . المن وجها أتديره
محتارة صرت بحالي . بيش انه أباري أعيالي
وروحي الحزن سلّاها . نحدي يخويه وياها . والگبرك أتعنينه
**********