تويت
رجوع السبايا // ابو ايمان المجراوي
من اليسر يحسين . جابت ضعنها
طافت تسع بلدان . ما سكن ونها
زينب بشد الأحوال . تحدي بنسه وأطفال . جابت ضعنها
*********
للغا ضريه أتوجهت عگب الشام . هاي العقيله
تحدي وتباري للنسه والأيتام . ما غفت ليله
ردت لچن تحمل هضم والآلام . صارت ثچجيله
بنت الحسب والجود . معتنية للطف
ردّت لأهلها أردود . والگلب مُرهف
متحفيه فوگ أرمال . تحدي بنسه وأطفال . جابت ضعنها
**********
چم ديره طافت چم بلّد بنت الطيب . ويه السبوها
وچم حاله شافت من ظلم من ترهيب . من يسروها
وابن الدعية بچف ظلم بيها يصيب . ويسب أبوها
بين الشمر وعضاه . بنت الود يعه
تحصد مرارة أو آه . وألون تذيعه
بين أسوى وأردئ أرجال . تحدي بنسه وأطفال . جابت ضعنها
**********
يحجب نظرها من تصد دمع العين . صوب الضعينه
ومگيّد أيدين الشرف گيد البين . ويغضها عينه
حتى اللسان ألنادتك بيه يحسين . خافت أنينه
كل طاقه عدها وحيل . منها أخذها
مشي اليسر وبليل . من عگب عزها
والتحدي بيها أنذال . تحدي بنسه وأطفال . جابت ضعنها
**********
بكل بلده مرّت بت علي بها لبلدان . ردت عليها
ودرب الذهاب ألي رسم بالأحزان . خطوة مشيها
عادت عليه تنگل جدم وعالنيران . أصبح حديها
رجعت على الآهات . تسحگ جدمها
وعله الوجه ضربات . أصبح لطمها
نفس الوضع والحال . تحدي بنسه وأطفال . جابت ضعنها
**********
لگبور اها ليته الضعن سار اليوم . والحادي زينب
متلهف الملگه الأهل شال أهموم . صارت له مركب
هم السبي بذاك اليسر ضل مرسوم . نيرانه تلهب
يمك حرم وأطفال . ردّت سويه
ومن ردت بيا حال . للغا ضريه
يا همها ما ينزال . تحدي بنسه وأطفال . جابت ضعنها
*************