تويت
حال السبايا //ابو ايمان المجراوي
بينه ما بينه .... خويه ردينه
مگصدنه گبرك كلنه حنينه . وانته تدرينه
***********
انهض يخويه وشاهد اضعونك گوم
عگب اليسر من عودت بيش اليوم
صوبك يبو أليمه اعتنت بيها أهموم
ما لومه من ذالك السبي يا مظلوم
حظرت ألگبرك . رادت أتخبرك
عن الجراء ألنه والحدث بينه . وانته تدرينه
**********
عگب السبي يبن النبي وبيا حال
عودت گومك بالنسه والأطفال
متغربة چأنت عيلتك بين أنذال
وتصد على راسك تشيله العسال
تمشي متلو عه . وتهمل ألدمعه
راسك تنظره وتنظر ألعينه . وانته تدرينه
*********
بين البوادي والمدن بينه أتدور
گوم آل آميه وبزجر يالمنحور
تتفرج أعلينه الخلگ بره الدور
عيد أنعلن ذاك الوكت بالدستور
كلها شافتنه . بهاذي حالتنه
نستر وجهنه صرنه بايدينه . وانته تدرينه
*********
سهل وهضاب بها لسبي خضناها
وأصعب واشد خويه المحن شفناها
بشوف العيون وما اضن ننساها
تحدينه خصمك واحنه نحدي أوياها
ظالم الحادي . وبينه متمادي
يشتم أهلنه وسوطه يحدينه . وانته تدرينه
**********
من كوفة الذل والغدر صوب الشام
ودونه واحنه بلا ولي نسوه أيتام
نخطي على جمر الحزن والآلام
وتتبادل أعلينه النظر ها لظلام
وحيرة الحيره . من نطب ديره
كل الخلايق تنظر أعلينه . وانته تدرينه
**********
بشام النوايب من دخلنه أعله أيزيد
ناصب له مجلس بالبغي ايذلنه أيريد
يتكلم أويا نه بحقد وبآله أيشيد
ويضرب ثنايه بوجهك وبيها أعيد
يهزأ ويمقت . وبينه يتشمّت
وگباله كلنه ونيته ياذينه . وانته تدرينه
*********
حين الفر غنه منا ليسر ردنه أنعود
ألگأع ألمنيه كربله أنرد أردود
گبرك نگصده أصبح أمرنه المنشود
ونعرج ألگبر الشهم راعي الجود
ونگصد الأكبر . وجاسم الانور
وعبد الله وآلك يالولي جينه . وانته تدرينه