تويت
نداء الضعن عند العوده من السبي //ابو ايمان
تلهج حسين حسين . حضرت أعيالي
ردت ألطف كربله . بالماسي العايله
والدمع عالخدين . حضرت أعيالي
***********
من يسرها العايله . ومن وغى الآلام . للرحل شدت
ردت ألطف كربله . من بلاد الشام . وللگبر ردت
والمدامع هاطله . تطوي بالأيام . عالاسى أتعدت
تأمل بحين وحين . توصل الغالي
من گدرها أموجله . والمدامع هامله
داميه أتغرگ العين . حضرت أعيالي
********
گأصده اگبور الأهل .يا لولي گومك . بهذا مسراها
صاحبت آه الوجل . وصارت أهمومك . تسري ويّاها
تلتگي يمك أمل . بيها من يومك . وانته منواها
ما رحم بيها البين . خويه للتالي
تمشي من درب الدرب . واندمج بيها النحب
واعتنت عالرجلين . حضرت أعيالي
*********
من مرارة ما حصل . بيها يا مظلوم . ترفع الشكوى
تسحگ اشفار الاسل . من مشت لليوم . والدمع سلوى
منها اخذ سهمه الأجل . وأضحى سهم الشوم . ينزل البلوى
والمصايب تعيين . صارت أتلالي
بيها طآ فو چم بلد . وهيه ما ألها سند
وعا لترايب ماشين . حضرت أعيالي
**********
حادثت يوم السبي . ركّت الدلال . ذيچه ساعتها
من عيال ابن النبي . ثارت الأنذال . وتدري عزتها
ما بگه الهم طالبي . يحضر بهالحال . يطفي جمرتها
أصبحت دون معين . والدمع سالي
حارت المن تلتفت . خويه عگبك من طحت
تركض أيسار أيمين . حضرت أعيالي
***********
نفس المكان أتوجهت. عيلت الهادي . الغادرت منّا
وللگبر ذاك اعتنت . يالولي أتنادي . عوّد ضعّنّا
وصلت وصيحة اعتلت . رجّت الوادي . يا ملگ أهلنا
يا گطيع ألچفين . خويه يالوالي
يا لأكبر ويبن الحسن . رمله وي ليله عاودن
منا ليسر يا طيبين . حضرت أعيالي
************