تويت
رجوع زينب ع من السبي// ابو ايمان المجراوي
انهض اتلگاها گاصده الولياها
عودّت زينب مناليسر تنحب
والظعن وياها گاصده الولياها
..........................................
طبت جدمها الكربله المصيونه والوجه شاحب
من الجرى اعليها تغير لونه أم المصايب
يخفگ گلبها يالولي ومحزونه وحضرت تعاتب
*كل جدم تمشيها لگبور اهاليها
تعثر وتنهض وبالارض تنرض
صارت بممشاها گاصده الولياها
......................
ام الحزن هالساعه حضرت يحسين وبأشد حاله
مدمع دمه ايفيض ويغرگ العينين للنبي واله
يم الگبر صاحت يخويه من البين اشتكي اعماله
*زينب المهيوبه اصبحت مسلوبه
من عگب عيناك سلّبتها اعداك
والحزن يسلاها گاصدّه الولياها
.........................
عگب اليسر زينب اجت للوليان وبحاله صعبه
مالومه والام الغرب بالوجدان مشعل تنشبه
الگبر الچفيل اتوجهت والهم بان خيويه وتندبه
* گربت يم گبره ونادت بكل عبره
يا چفيلي اتصيح والدموع اتطيح
وسلهمت عيناها گاصده الولياها
..............................
نادت يگومي ويا هلي من الشام عوّد ضعنكم
عگب اليسر عگب الحزن والالام ردت حرمكم
ردينه خويه النينوى والايتام تلهج باسمكم
*بالحزن يالوالي تتصارخ اطفالي
ردت الاطفال حال اشد من حال
والكدر يبراها گاصده الولياها
..........................
بالهم غدت يالوالي بالگاع اتحوم والجفن دامع
تتذكر الصار وسده بذاك اليوم وذيچ المصارع
تتذكر النحر الجرى وسال ادموم وتگلب مواجع
*تتذكر الصيوان من حرگته العدوان
والهجوم الصار والعطش والنار
عاشت ابذكراها گاصده الولياها
.....................
تعليق