تويت
رجوع الضعن الى كربلاء // ابو ايمان المجراوي
يحسين للطف عودت زينب بالاعيال .. مالومه من ذاك اليسر والدمع همال
*****************
لاحت مشارف كربله بنضار الضعون . ومن دمعة الدم الجرت ما ضلت عيون
يحيسن كومك عودت بسمك يندبـــــون
* انهض وشاهد يالولي ردت بشد حال
............................
حين اوصلت ضنوة علي لگبورالاحباب . نادت عليهم ياهلي والدمع سچــــــــــاب
صاحت يگومي والجفن من دمــعته ذاب
فيض المدامع ما نشف يا آلي من ســـال
..............................
نادت عليهم بالحزن زينب يالاكـــــــــرام . عود ضعكم ياهلي من ديرة الشــــــــــــام
ردت حرايركم تون واتصيح الايتـــــــــام
چاوين اهلنه وتلتفت ايمين وشمـــــــــــال
................................
شالت نضرها وعاينت لن شافت العيــــــن . شافت معالم للاهل شيدها البيـــــــــــــــــن
لن صرخه من عدها اعتلت ياهلي الطيبيـن
من النحب ههذا القلب اتكطع اوصــــــــال
...................................
للغاضريه عاودت بالضعن زينـــــــــــب . بالمهجه نيران الحزن ياوالي تلهــــــــــب
ساعه تون اعلى الاهل وساعه تنحــــــب
تتذكر أيام اليسر ما بين الانـــــــــــــــذال
..............................
شهكه اعلى شهكه عودت مكطوعه الانفاس . وبيد المصايب والكدر تلطم على الـــــراس
وصارت تحشم بالفله وينك يعبـــــــــــــاس
خويه بصدر اختك غرس الضالم انبــــــال