تويت
عودة زينب ع الى قبر الكفيل ع//ابو ايمان المجراوي
زينب بهم وبدمع دم
ردت الگبر ألكفلها تشتكي كل ألجره ألها
***************
الولياها زينب عوّدت والمهجة مليانه جروح
وبحصرة أهات وقهر وبلوعة ألون والنوح
الگبر ابو فاضل اعتنت خلصانه من عدها الروح
وبعبره طاحت عالگبر والمدمع بدم مسفوح
أتگله بعدك حارت أختك
وأكثرت بيها عللها تشتكي كل ألجره ألها
*************
گعدت گرب گبره وبچت بالدمعه تشرح له ألصار
وتسولف ألصار وسده بيها أعله أيد الأشرار
تگله يخويه بغربتي لا والي عندي ولنصار
والوحدي عباس وشفت بعيوني كل الإخطار
والعساكر بينه تأمر
وعملت بينه عملها تشتكي كل ألجره ألها
************
من ساعة ألبيها مشت جدمي وسحگت التربان
ما بطلت عيني دمع ولا بالي مرّه النسيان
مهضومه خويه سافرت وتگود بينه العدوان
وكل لحضه للطف التفت مو هينه اعوف الوليان
كلبي يمكم يا لجثثكم
تسكن بروحي صورها تشتكي كل ألجره ألها
************
قبضَت أتراب منالگبر شالتها وتشم بيها
وتنادي يا بن والدي روحي الهضم ماليها
وينك يسبع الگنطره شوف أختك وحاجيها
ونشدها عن ذاك اليسر والمر يخوها أعليها
لطمت الخد وتّنهد
يا بو فاضل وانته أملها تشتكي كل ألجره ألها
************
جن صوت من عند الگبر ناده يخّيتي بعبره
چفيّني هانت والسهم كلهن علّي يا لحرره
وذاك العمود ألي فضخ راسي أعله أيد ألزمره
مو مثله عندي مصيبتچ ولا جرحي مثلچ كبره
خويه زينب دمعي من صب
فكرت بعدي منو ألها تشتكي كل ألجره ألها
***********