رد بعث صدّام والشمر اللئيم ... وردّت سروب الكفر والكافرين

رد شمر ويزيد والبعث المباد ... وردّت الجانت تسب اسم الحسين

ردّو وناوين هالمرَه القضاء ... على الموالي وشيعة الحق المتين

كَبل جانو بينه من يهدّدون ... نفوت سكته ونسري مسرى المتّقين

اليحجي بينه على المشانق ياخذوه ... ويبكَه وحده وما يصح يمّه معين

جنّه نسكت والكَلب ينبض حسين ... وكثرة الفجّار تغلب يا امين

جانو يصيحون لو تهتف قياده ... ولو تضيع ابّين مكَبرة السنين

جانو يهينون عرض المؤمنين ... وجانو على الناس بلوة ومجرمين

وهسّه ردّو ردّة يزيد ووليد ... وردّه سوده اليوم عدهم كَاصدين

شلون ردّوا والله ما اعرف عجيب ... ولزموا زمام الامور الحاقدين

بس نضل نصيح رغماا عالطغاة ... ويه الزجيه ننوح ونضل ناصرين

وهيه موته ولا سعاده بهالحياة ... بغير حيدر والطهر والصابرين

رحيم الحسيني الحسناوي