أجت يم الذبيح وناحت الزهره تنشد عن أبنها المنگطع نحره
+++++++++++++++++++++++++++++++++++
أجت للطف تدور جثة الغالي
ودمعها أعله الوجه متفايض وهالي

تحشم يمه بعدك ضاعت امالي
وغيابك بالگلب وجر ألف جمره
++++++++++++++++++
گعدت يم ولدها أتجلب جروحه
وهيه من الفواجع مثله مذبوحه
تناشد أبني حي لو غربت روحه
وعد راسه أگعدت مختنگه بالعبره
++++++++++++++++++
صاحت أبني ياهو اللي گطع راسه
هل ساكت حبيبي أشخمد أنفاسه
شفت الجثه لكن ما شفت راسه
وعليه أترادفن حسره أبأثر حسره
++++++++++++++++++
وتوجر گلبي من حسراتي عل غالي
وصورة رگبة أبنه أنطبعت أببالي
ومثل حال السبايه أبلا ولي حالي
ذكرني بجنيني وساعة العصره
+|++++++++++++++++
صحت ياويلي بعدك بل ولد ياويل
بمصابك تهدم مني كل الحيل
أ يبني العليه سحگت حوافر خيل
ومثل صدري التهشم هشموا صدره

++++++++++++++++++++
خادم الحسين هاشم العربي