++++++++++++++++++
للدفن هل جيت ودمعي بجفوني
واخوتي بهل حال وحدي خلوني
شلون الم جسمك ياضوه عيوني
والحزن يحسين هادل متوني
دليني دليني بالدرب دليني
شل الفكر حالك من يرد بعيالك
وبس وحدي تدريني
+++++++++++++++++
ناحل بلا حيل جدمي يتعثر
يامرار الروح وگلبي يتفطر
شلون اصد بالعين وحشه بالمنظر
موذر أعله الگاع شفت ابو الاكبر
من عيني من عيني گتله وتصب عيني
للخيم من شالك من يرد بعيالك
وبس وحدي تدريني

　
　
حاير بلا راي من ثگل همك
صحت هنياله البالنحر شمك
جيت يابويه للدفن يمك
وگلبي گام يذوب من شفت جسمك
لمن شفت حالك من يرد بعيالك
وبس وحدي تدريني
+++++++++++++++++++
جيتك وخليت عمتي وحدها
والحزن والضيم بويه ضاهدها
عل ضعن يحسين من يساعدها
للمدينه تگول ياهو اللي يرها
تدريني تدريني بيا وضع تدريني
ممتحنه بأطفالك من يرد بعيالك
وبس وحدي تدريني
+++++++++++++++++
بويه يل مظلوم ياعظم صبرك
من لگيت الخيل تسحگ بصدرك
عمري بيش يفيد من خلص عمرك
أندفن ياريت يمك بگبرك
خليني خليني بحفرتك خليني
منستظل بخيالك من يرد بعيالك وبس وحدي تدريني

++++++++++++++++++++
خادم الحسين هاشم العربي