تويت
اللوم في حب الحسين ع//ابو ايمان المجراوي
يا لايم ليش تسألني .. حب المذبوح جنني
بيه هايم حيل . وما نام الليل . حب المذبوح جنني
*************
ما اهجع وأنام الليل حسره بصدري محصوره
كوّنها نمير الشوگ وأعليها رسم صوره
صوره أتحرك الإحساس وإحساسي ارتفع سوره
وما طاوعني رمش العين گأل الغفوة محظوره
مطرود النوم من عيني .. وبس الصفنات تحويني
ودموعي أتسيل . وما نام الليل . حب المذبوح جنني
**********
مو عاقل انه ومجنون شتسميني سميني
ما دام بمحبة حسين دمعة من صدگ عيني
عن شخصي اشتر يد اتگول مّغرم انه بحسيني
وضرني بأي فعل وأسلوب ادري ألزهره تحميني
يرضه الرحمان لرضاها .. ويحب خدّام ابناها
گأل التنزيل . وما نام الليل . حب المذبوح جنني
**********
لو حب الحُسين أجنون انه الأول أعلنها
مجنون العگل والروح حاله وما أمل منها
مو عگل إليضد حسين كل يوم انه اگولنها
والميحبه مو إنسان وروحه بالحيه ادفنها
ألما حب حسين ويضده .. ذرة إحساس ما عنده
هذا التأويل . وما نام الليل . حب المذبوح جنني
************
نعرف من يجن إنسان بالطب هالمرض قاسي
چا تتهمني بيه اشلون وانه بكامل إحساسي
يالتنعتني بالمجنون بس حبّه السكن راسي
وتوأم للعگل والروح حبّه وشهگت أنفاسي
شنهو انته أتريد سمّيني .. ما دام الشوگ يمليني
وحاصل تحصيل . وما نام الليل . حب المذبوح جنني
**********
كل ذره بفضاء الكون تتعامل مع ذره
وانه أتعاملت ويّاه روحي وعيني ولعبره
معروف اليحب إنسان ما ينسه ابد أمره
وانه أمحبته بحشاي صارت جمره مستعره
دوم بذكراه تچويني .. ولصعب إحساس تهديني
سموني أعليل . وما نام الليل . حب المذبوح جنني
**********
تعليق