تويت
حب الحسين وخدمته ع//ابو ايمان المجراوي
يحسين أهواك تدريني .. خادم لثراك خليني
بدموعي أرثيك ... وبروحي أفديك
**************
بضلع الطاهرة المكسور يحسين أرد أحلفنّك
وبدمعة رقيه أعليك تقبل من أخدمنّك
خادم وبطريجك سار جدمي وجيت ازور نّك
يا أعظم عشگ للروح والله ما اعو فنّك
بالشوگ أدروب اگطعها .. وچلمة يحسين ارفعها
وبصوتي أنعيك ... وبروحي أفديك
***************
يحسين أبغرامك دوم هايم يا نقي المعدن
مو بس عابس المجنون الكل سيدي أتجنن
مشغوفة بهواك الروح والأوصال إلك حنن
وبصوت العشگ يحسين گلبي أمحبتك أعلن
أهواك أهواك يا حبي .. صوت إلي صاح من گلبي
واعشگ طار يك ... وبروحي أفديك
************
عاشگ والعشگ مسموح وفنون العشگ فني
هذا إلي أردن بيه الكل واحد يناشدني
من عندي الجواب إيگول يامن تنوي تحرجني
روح أسئل على المعشوگ لا تسأل فقط عني
حب المذبوح يمليني .. يسكن بالروح وبعيني
يا لهفي أعليك ... وبروحي أفديك
*************
مُنيه بداخلي يحسين ا صبح خادم المنبر
احزن من يجي عاشور وبمجلس عزاء احضر
أوگ ويه ليعزون الطم صدري وتكدّر
واخدم خادمك مولاي ميهمني البرد والحر
عمري أشما دام بيه عزمي .. بالخدمة اگظيه كل همي
وأعوام انطيك ... وبروحي أفديك
*************
ما أمل من أجي مشّاي وتعنه بجدم حافي
وبكل خطوه أصيح حسين اسمك ساكن أشفافي
اهجع من يجن الليل وتضنّي الخلّگ غافي
وانه بذكرتك مشغول وبدون ألغطه دافي
ما ابرد يوم يحسيني .. ادري الزهراء تغطيني
وحاضر أدريك ... وبروحي أفديك
***************