تويت
للمشايه لسان حال الامام//ابو ايمان المجراوي
متعني وجاي . للطف مشاي . گاصد عنّاي . مولاك حسين
من تمشي وياك . إلچأفل يرعاك . وليتلگاك . مولاك حسين
***********
كل خطوه تخطيها وجدم تنگلها
لبن النبي بدفتره أيسجلها
ومن تمشي آلام وتعب تحملها
لزيارة حسين بأجر تأملها
اسمك موجود . عد راعي الجود . أليومه الموعود . مولاك حسين
ما جوره أخطاك . إلچأفل يرعاك . وليتلگاك . مولاك حسين
************
هذا الطريج أشما يطول ألزهره
يا لزاير آوياك بمسيرك تبره
تبرا لك بعين التهل ألعبره
وكل مجلس أتعقده البتول أتحضره
وياك أتنوح . وتشيل أجروح . تنعه المذبوح . مولاك حسين
لتضن تنساك . إلچأفل يرعاك . وليتلگاك . مولاك حسين
************
يا لزاير وحيدر عليه ما يخفه
هذا أمرك وكل اليصير أيعرفه
من تمشي لو تعثر يعينك چفه
يألگاصد حسين وتزوره بطفه
گاصد محتام . تطوي الأيام . وتشيل إلام . مولاك حسين
وبمشيك ذاك . إلچأفل يرعاك . وليتلگاك . مولاك حسين
************
ومن البقيع الكر بله يتعنه
ريحانة الهادي الحسن وبحزنه
وابن الحُسين الساجد آوياه ابنه
والصادق وموسى بدموع أو انّه
ينطون أمراد . بيد العواد . علنو له أحداد . مولاك حسين
وانته بمسراك . إلچأفل يرعاك . وليتلگاك . مولاك حسين
************
والساكن بطوس الرضا لا تنسه
كل زاير ألجده يسير أيحرسه
ينظر لك وتعب ألتحسه أيحسه
والتايه ألربعه يرده بنفسه
حاضر واليك . ويحامي أعليك . والي تأنيك . مولاك حسين
يبعدها أعداك . إلچأفل يرعاك . وليتلگاك . مولاك حسين
*************
وابن الرضا الجواد يترك گبره
ويتوجه إلگأع المصيبة أبحسره
والهادي وابنه العسكري بسامره
بصحن الشهيد ألجيتك منتظره
والمهدي يشوف . زوار أصفوف . بالحضرة أتطوف . مولاك حسين
واگف يتناك . إلچأفل يرعاك . وليتلگاك . مولاك حسين
***********