الينكلك يا جدم ما يدري بيك

تنوح لاجله الما يحس بروحه

عالدواهي يسابك طرود الرايح

وطمهه بذيول الذيابه جروحه

النايم بطشت العسل يا هالبعيد

شما يصحصح ما يلملم روحه

لن يعيش بدنيه حلوه وضل سفيه

معلّكَ بحبله وصبح مرجوحه

يروح بالغيبه ويرد بمخسبكات

شما غرف دهله وتفيض سفوحه

وعالبشر لابسله تاج من النفاق

وحجيه كله شكَالت الاطروحه

اليفيده يصيرله انهار وعطور

وكل الاغلاط الترد مسموحه

واليجكّه يصيح وين المسلمين

شجاب هندوس الشرق للدوحه

وبالحقيقه النفخه من تكَبل عليه

تهيم للكَاع وتطيح صروحه

وانه بالعباس ما اعوف الحسين

وقلمي ربعك ما تكض جموحه

رحيم الحسيني الحسناوي