من ثار البضعه ودمعتهه ... نجذب ونّات لهضمتهه

سالت وي الدم العبره ... وضلع الزهره انضام بكسره

نجذب ونّات لهضمتهه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

يا كوثر جنه من الباري وضوّيتي بنورج هالكون

ونّيتي من احتر صوابج وتغير رسمج واللون

شننسى احنه من اَلام جروحج ننسه جروح البضعه شلون

صارتلج تجايه دمومج والاه ووجعاتج عون

بيا عين نصدلج يا نضره ... وضلع الزهره انضام بكسره

نجذب ونّات لهضمتهه

شمس الله بهيبتهه وطاحت من داست بيت الله الكوم

وبعد ضلوع الزهره الراحت ما تنفع دمعه ولا لوم

رادوهه اهل الشر مهضومه ورادوهه تكوطر بدموم

لبسو عار وخزي الدنيا ولعنات تمرهم كل يوم

حسين الخيل تدوس بصدره ... وضلع الزهره انضام بكسره

نجذب ونات لهضمتهه

دين الله من الباري بصدرج ليش اهل الباطل كسروه

وضلعج يدرونه القراَن وبين الحد والحد عصروه

عادوه الرحمن بضربج والباطل والشر نصروه

وحيدر ضدّه تحزّب خصمه ومكرو عدوانه وغدروه

اولادج ضلت بالحسره ... وضلع الزهره انضام بكسره

نجذب ونات لهضمتهه

شمتان المنكر بجروحج فرحان وشد عزم البين

وتحشم ضدكم هالوادم جن تطلب ثار الصوبين

هوه الينكر بضعة احمد يا ملّه تلمه ويا دين

وسفه ويا حيف على سنينج يالما طخيتي العشرين

فرحان الاَذاج بغدره ... وضلع الزهره انضام بكسره

نجذب ونّات لهضمتهه

طيور الجنه تبات ابّابج تتعبد عندج املاك

وكل الدنيه تسولف باسمج وتعرفج كلهه الافلاك

لا عربان الوفت كَدرج لا اجناب ولا اتراك

بس الله اليعرف عنوانج منج عرش الباري نحاك

ابنج بالطف كطعوا نحره ... وضلع الزهره انضام بكسره

نجذب ونّات لهضمتهه

رحيم الحسيني الحسناوي