مذموم التكبر يا موالين

ما يكبر تره الطيب على الناس

ولو زاهد صدك ما جاوبت دوم

عالينشد عليك بهزّة الراس

بنادم بالكَبر تاليته ويروح

بجدام الخلك كل جسمه ينداس

شوف اهل التواضع واكصد حسين

من دارت عليه حشود الانجاس

تنهال السهام وتنزل عليه

وهو يهل دمعته وللنُصح ساس

متوسف لانهم كَصدو النار

والهم بالجحيم تعالت اجراس

ماهم للكَضو بالطف والاطفال

لن يدري المشوا للدنيا نبراس

وكَوم الحشدت زمرة ملاعين

همهه اعلى الرماح الجسره والطاس

صير ابيض كَلب وي اليودّوك

وخللك للورود التجذب احساس

وصدك لو بعد للغيره جفين

جا رد للعطاشى بجوده عباس

رحيم الحسيني الحسناوي