تويت
وين مهدي المنتظر- حسين الساعدي
وينه مهدي المنتظر!
حلوه لو من الله خفنه-ومانخاف امن البشر
جان احرار انتسمه---- الدنيا بينه تفتخر
العمر واحد ياحسافه--يكضي بالاه والقهر
ليش بس شعب العروبه-لو سجن لو ينتحر
وليش مسئول الاجانب--للشعب عمره نذر
وليش حكام العروبه -إمن الشعب سلبوا عُمر
ليش للحاكم وطنه--والشعب حصته صفر
النفط للحكام رحمة---وللشعب نقمه وقهر
لا سلامه أولا عداله----والله يعلم هالامر
المرتزق يامر علينه---وهوه اكبر مُحتقر
ليش نسكت عالمذله----بعد شكثر ننتظر
ياشعب موت ابكرامه---اول وتالي القبر
جنه نسمع من اهلنه-احكام وامثال وعبر
كالوا الخاف الاعالي-ايعيش مابين الحفر
والبقه ابذلة زمانه-----بعد شله بالعمر
الشعب لو يطلب حياته-لازم ايجبب القدر
ليش بس احنه انظلمنه-من خوارج هالعصر
هسه ضهرت هالعلامه-الكالها سيد البشر
كلمن اتمسك ابدينه---جنه قابظ عالجمر
والظلم خيم علينه-بأرض والجو والبحر
وينه منقذنه ويجينه- وينه مهدي المنتظر
بقلم
حسين الساعدي
حلوه لو من الله خفنه-ومانخاف امن البشر
جان احرار انتسمه---- الدنيا بينه تفتخر
العمر واحد ياحسافه--يكضي بالاه والقهر
ليش بس شعب العروبه-لو سجن لو ينتحر
وليش مسئول الاجانب--للشعب عمره نذر
وليش حكام العروبه -إمن الشعب سلبوا عُمر
ليش للحاكم وطنه--والشعب حصته صفر
النفط للحكام رحمة---وللشعب نقمه وقهر
لا سلامه أولا عداله----والله يعلم هالامر
المرتزق يامر علينه---وهوه اكبر مُحتقر
ليش نسكت عالمذله----بعد شكثر ننتظر
ياشعب موت ابكرامه---اول وتالي القبر
جنه نسمع من اهلنه-احكام وامثال وعبر
كالوا الخاف الاعالي-ايعيش مابين الحفر
والبقه ابذلة زمانه-----بعد شله بالعمر
الشعب لو يطلب حياته-لازم ايجبب القدر
ليش بس احنه انظلمنه-من خوارج هالعصر
هسه ضهرت هالعلامه-الكالها سيد البشر
كلمن اتمسك ابدينه---جنه قابظ عالجمر
والظلم خيم علينه-بأرض والجو والبحر
وينه منقذنه ويجينه- وينه مهدي المنتظر
بقلم
حسين الساعدي