جن بيج العكل واحتار كولي وياج ... وانتي من الكريم لهالبشر امنه

يا دمعة حزن ما تحمل اللجمات ... يا راية علينه ويا الف ونه

سلّيت الليالي وما حضيت براي ... هضماتج نحيبي براضه يجفنه

عنوان المناقب انتي والقراَن ... وانتي المنزلات ومنبع السنه

وانتي اصل الارض والدنيه والتكوين ... وانتي الحاربج ما لحضه يتهنه

جم شامت نصبلج بالبغض عدوان ... جم كاس انشرب جم حاقد الغنه

جم جار الصبح مثل الحرامي بليل ... ينغكَ للهفيف ويتبع الرنه

بنت اعظم رسول الزهرة وام حسين ... هيه ام الحسن ريحانتا الجنة

بنت اعظم نبع ما اخذ منه انسان ... بس حيدر علي الكرار اخذ منه

دم المصطفى وروحه وعضيده وسيف ... عينه ومهجته وكل ما اله وضنه

ماهاد الدليل ولا هكيته يهيد ... كلفات المصايب نار يرمنه

رحيم الحسيني الحسناوي