**يوميات طالب ثانوي**

هذا أنا من الصبح أقعد كل يوم
وروحة للباص ووجهي متروس نوم
والبيت ما يسكتون عليي من اللوم
يا الله ألحق على الباص وهذا حالي دوم
***
وصلنا الباص يالله شباب نروح مدرسة البنات
كل واحد مختار له بنت وقاعد يسويلها رنات
واللي يقرأ منها اللي تطرشه أحلى المسجات
أصدق روحي أفلت الرقم بس وين المرجيات ؟
ماكو وجه أحصله مالي غير الدوريات
أشيل عليه وافلت من كل هالبليات
***
أوصل المدرسة متأخر ويسجلني المشرف تأخير
ليش يا ولدي متأخر ؟؟ ليش ما تنام بكير ؟؟
وقدام الطلبة ما يقصر فيي من التشهير
ويصخني من تعهدات وونصايح وتحذير
ووقفني حصة كاملة وأنا في حالي أحير
والشباب يضحكون من قلب على الأسير
وأتجضر وأفكر من المدرسة أسير
***
أدخل الحصة الثانية درس العربي
ما أفهم فيها شي كأني أجنبي
يسألني الأستاذ عن واجبي
ويش أسوي أقول له ويش تبي ؟
يقولي ناقص خمس درجات يا صبي
ومرة ثانية لا تعودها لا أقول عنك غبي
***
الحصة الثالثة جتنا الانجليزي
ويطلع عندنا امتحان تعزيزي
والأستاذ يحاول دوم تحفيزي
وأنا ما راجعت وجاي بدون تجهيزي
وأجيب صفر والطلبة يبدون تفزيزي
***
هذه فسحتنا أخيرا جت بعد التعب
هواش عند المقصف من غير سبب
مدافع وضرب تشوف فيه كل العجب
بس أنا أول واحد من المقصف كسب
لو في ميدالية مافي أحد غيري بياخذ الذهب
لأني ما أظن في أحد مثلي في الدراسة رسب
أخيرا طق الجرس وكل واحد لصفه ذهب
***
جتنا الحصة الرابعة رياضة هذا الإبداع
حصة وافقوا عليها كل الطلبة بالاجماع
نلعب كورة نكسر ونقول هذا لعبنا دفاع
يصفر الاستاذ ويكلمنا وكأنا في اجتماع
يقول إنتون ما تصلحون للكورة اطلعوا هالساع
وهذه حالتنا في المدرسة صيتنا شاع
بالفوضة والعفسة معروفين بالاندفاع
***
الحصة الخامسة اسمعوا يا شباب أذن الأذان
خلونا نروح نصلي ونترك الأستاذ والامتحان
نهرب من الصف للمسجد نطلب أرض الجنان
شفتون مؤمنين نفسنا متروسين حب وحنان
نصلي وندعي ربنا ونعقب بعده بقراءة القرآن
***
أخيرا جت الحصة السادسة المريرة
ليش نقعد يا شباب ليش هالحيرة ؟؟
السور ما يقصر خلونا نهرب ونرجع الديرة
لا تخلونها تبين في نفسكم كبيرة
نشقح السور وبهالعملية نفسنا خبيرة
سهلة صارت بالنسبة لنا حاجة صغيرة
***
نروح ننطر النقل علشان يودينا البيت
نص ساعة ننطره عشان يجينا يا ريت
يوصل متروس هنود ومن هالريحة جنيت
في هذه اللحظة صدق لليسن حنيت
ولرجعة الديرة بسرعة أنا حبيت
وتجي السنة اللي بعدها وأنا للمدرسة رديت
نفس الحالة رسوب بعد رسوب منهم آه ونيت

خخخخخخخخخ منقول