للامام القاسم ابن الامام موسى الكاظم عليهم افضل الصلوات واتم التسليم
القاسم ابن الكاظم يموت بغربته...وعاليتامه توالمت حسره بدمعته
هذه ابن بيت الامامه..ومنبع الحكَ والكرامه
وعاليتامه توالمت حسره بدمعته

ـــــــــــــــــــــــــــــ
بلا اهل وحده وغريب بهالديار...وهوه ابن اعظم نبي واطهر منار
الضحّه بالدم يبكَه لاهل الحكَ مسار...وهوه نوماس القيم وابن الفخار
وطولت بين الغرب توحش سفرته...وعاليتامه توالمت حسره بدمعته

شلون اذا تحضر هلك ياهالغريب...وينعه لمصابك عضيدك والحبيب
شلون اذا شافك ابو الخد التريب...وعمك الساجي وعلي البالطف خضيب
ينسه لجلك كلمن يشوفك طبرته...وعاليتامه توالمت حسره بدمعته

الرايه ماطاحت يبن اعظم امام...ووالدك دك الخوارج واللئام
السيف اذا يغتر يكَص راسه الكلام... وياكلام الوقعه امضه من الحسام
ويا عظيم الرخّص سنينه ومهجته...وعاليتامه توالمت حسره بدمعته

بهالغرب صرتو ومشيتو بهالدروب...والكم املاك الارض تحبي وتجوب
وانه انعاكم دمع وكت الغروب...وروحي يبن الكاظم بحبكم تذوب
وخاسر اليبعد عن الغالي ومحبته...وعاليتامه توالمت حسره بدمعته

الدنيا لو رادت تسل روس السيوف...ودم ابو اليمه فلا ننسه الطفوف
وعالعقيله خيول اميه من تحوف...ويوم ابن هند اشترى بماله الالوف
ويوم ابو فاضل تكَنطر من مهرته...وعاليتامه توالمت حسره بدمعته
هذه ابن بيت الامامه...ومنبع الحكَ والكرامه
وعاليتامه توالمت حسره بدمعته
رحيم الحسيني الحسناوي