مضلومة يا زهراء ... مهضومة يا زهراء

ــــــــــــــــــــــــــــــــــــــــــ
انتي بس بسمج فطر الله السماء
واعتلى وللحكَ يمولاتي النداء
انتي نور الله العلي وانتي الرجاء
وانتي ام شبّر علي وام الحسين

انتي مولاتي الامل وكت الشدد
وانتي طوفان الكرم وانتي المدد
الكون الج يم الحسن بس نوجد
وانتي نور على العرش وانتي اللجين

انتي ياتاج العلم خير العمل
وانتي ميزان الارض بيج انعدل
وانتي نار على الكفر واهل الجهل
وانتي نوماس الامم وانتي اليقين

عالي يبكا اسمج على مر العصور
ومانعوفج لا وحك ما بالزبور
يا شهيدة ولا نمل طول الدهور
وننذر اعمار ونحيرهه السنين

خل جمعهم ينشر علينه الرماح
وخل يزيدون الكفر بينه الجراح
ما نعوف اهل الشرف واهل الفلاح
ونستشف اصل الفخر ويه الونين
رحيم الحسيني الحسناوي