اَنه شمعه وبس ضوت لجل الحسين..وواست دموعي الاطايب والامين
ومن وصل وكت المنيه..الدمعه نزلت للزجيه
وواست دموعي الاطايب والامين

ـــــــــــــــــــ

شما يحن طير الغريب لديرته .. بلا شعور انعه الحسين وغربته
وتهجع الروح وتنوخ بحضرته .. وما يمل كَلبي الخلص من فجعته
ويالتسائل شنهو بيه..الدمعه نزلت للزجيه

الدنيا يوم النايبه على الحكَ تدور .. وبالعكس صارت على الطيب تجور
وفتحت ابواب الفرح لاهل الفجور .. الكطّعو روس الطهر من النحور
بكاع اسمهه الغاضريه..الدمعه نزلت للزجيه

الوادم علينه صفت تطلبنه ثار .. وكصدو لال النبي ما تبكَه دار
بلا سبب اوكَد عدو المرسل شعار .. وجلجلت فوكَ الخيم مشتعله نار
ونادت بحسرة الوطية..الدمعه نزلت للزجيه

المايمر فكر العكَل صار وجره .. وخضّب الدم كربلا جدام وثره
ذبّحو ال النبي وخير الورى .. البس لجلهم هودر الماي وسره
الهم كلف والبيه بيه..الدمعه نزلت للزجيه

ويا حسين انعه واون صبح وعصر .. ولا امل لو انسه اسمك للحشر
يا من تسلَب ظلم وكت الظهر .. ويا صرح عالي ويبن خير البشر
روحي الك يالدر هديه..الدمعه نزلت للزجيه
وواست دموعي الاطايب والامين
رحيم الحسيني الحسناوي