شلون بيا لو قرب مني الاجل .. وأخذ سمعي الموت وألساني انتجل
ظلت عيوني تدير اعلى الاهل .. تشوفها اتهل الدمع لمصابي
وللمغيسل طلعوا مني الجسد ..وقام حفاري يجرد اثيـــابـــــي
شلون بيا بكفن لو لفـــــونـــــي.. للقـــبــر عــقب الغســل شالوني
اونزلوني بحفرتي اوارونــــــي .. وقام حفاري يــهـيــل ترابي
شلون بيا لو مسيت بحفـــرتي .. دار غربة او ويــل حالة الغربتي
لاعمل وياي ويرد وحشتي .. وابعــدت عــنـــي هــلي وأحبــابي
شلون بيا لو ضغط جسمي القبر..وقام من خشمي حليب أمي يدر
شلون حالي امن اوقف بيوم الحشر..وياخذ المعبوود بستجوابي
شلون منكر لو لفاني للقبـــــر .. وقام ينشد بيش قضيت العمر
شنهو ذاك الوقت من عنده العذر .. وشنهو عن ذيك المعاصي اجوابي
شلون بيا امن انفرد بعمالي .. والذنـــــوب أتصــــير كلــها قبــالي
وأدري منكر مــايــروف بحـــالـــي.. ولا بحكـــم الله عليي ايحــابي
شلون بيا امن اوقف بيوم الحساب .. شايل ذنوبي وجدامي الكتاب
شنهو عذري وشنطي للباري جواب .. من يعاتبني ويزيد عتابي
شلون بيا امن التفت يسرىويمين .بيوم هوله يشيب من عنده الجنين
مـــال ما ينفع ولاا تنفع بنين..او لاانــــدم ينفـــع واعض بنابي
مايظل عندي وسيلة ولا أمل.. غير حب المرتضىخير العمل

ويش رايــــكـــم ؟؟؟؟؟؟؟؟