وياليهب ابعث سلامي لموسى بن جعفر امامي
لويقيدوني مايمنعوني
*********************************
اقسم بضلع الزجية وداحي الباب
ابد مايمنعني عنك ذبح الارهاب
خلي يسمعني اليضدني وهذ الجواب
معتني ازحوف لضريحه بيوم المصاب
خل يفجروني مايمنعوني
************************
لو الف عبوه بطريجي ولا ابالي
معتني لموسى ابن جعفر كل منالي
وادري موهينه اليدور عالمعالي
والله لو ذبحوني يوصل بس خيالي
لويوذروني مايمنعوني
*************************
امس شاهد عالظلم جسر الائمه
الشمس ماتت واصبحت دنيانه ظلمه
من لكت شايب اموسد يجري دمه
وطفل ميت ما رضه يهد درّة أمه
بيه فجعوني مايمنعوني
************************
فدوه صحنه ارواحنه وجبنه ولدنه
والله لو كل خطوه موت ولاتردنه
جينه للكاظم نجددله بعهدنه
احنه ماهمنه اليكفرنه ويضدنه
شمايسموني مايمنعوني
***********************
هذا شعب حسين يا احفاد اميه
مايطخ الراس لو دونه المنيه
والله لو تنطينه فتوه المرجعيه
ابدال زينب جاجبت هندك سبيه
وما تلاوني ماتمنعوني
***********************
احنه طبع البينه نفدي اللي عشكنه
وهايه نبض كلوبنه تدك وا اماماه
وكل فصايل دمنه تلكاهه حسيناه
والله لو جمر الدرب كلنه مشيناه
للشاعر
حسن راضي الوحيلي
22 رجب 1432هـ