هليت وهلّت انوارك,لشهر رمضان الكريم,منبرية


هليت وهلّت انوارك...يا شهر بجيتك نتبارك
ياوحي الله بجف هادينه...يا حيدر من وافه لدينه
يا شهر بجيتك نتبارك
ــــــــــــــــــــــــــــــ
نذكر بايامك يا شهر الطاعه ايام...نتبرّك بيهه وللباري ندكَ الهام
بيك انزرعت اول بذرات الاسلام...ولا غمضت عين المرسل بيك ولانام
كحّل بالكلفات عيونه...من جانو كَومه يضدّونه
شاف الجنات بنص عينه...يا حيدر من وافه لدينه
يا شهر الله الطاعاتك بالدنيا انوار...موسور اعمالك من صقر ونار اسوار
فزنا وخسرو عدوان الباري الكفّار...ضلت معموره باعمال البر كل دار
ضلينه وراحو عدوانك...نتبارك بيك وبيامك
وزينب بالطاعه توصّينه...ياحيدر من وافه لدينه
شدينه الحيل بعزم الله وحيل الزهره...والرحمه من الله الكَلب المكسور تجبره
يانصر الله وراية حك تتعالى لنصره...ياامر الواحد ما يخلف للحك امره
رمضان انوارك تتلالى...والرحمه بذكرك تتعالى
نبضات الحكَ صاحت بينه...ياحيدر من وافه لدينه
يا شهر البيه سال اعظم دم بالازمان...سالت للحكَ بيه دموم اطهر شريان
نصرخ يا حيدر نار مصابك بركان...دمع البينه تراوت من عنده الشطئان
ياسيف الدكَهم يا رايه...ضلت بالغيره محنّايه
يامن اهدى الدين سنينه...ياحيدر من وافه لدينه
من صوت حسين تعلمنه انواع دروس...ما ننذل دوم وما تنزل بينه الروس
من سامره تمد بينه الغيره ومن طوس...تتكحل بالزود وبالنوماس نفوس
من عباس وزود حسينه...ومن حيدرنه وعزم حنينه
خدّامك صحنه ونادينه...ياحيدر من وافه لدينه
يا شهر بجيتك نتبارك
رحيم الحسيني الحسناوي