بيع وشره


بين النفخ بين الّلبخ بين السطر والمسطره
شدّينه حيل على الجذب والمايحب يرجع وره
كَصة شعر سفره وسهر غَض ماكو دوم على البصر
نتناول الصاحب علج ونبيعه وكت المشتره
شلنه الاسم بس ما نهم حت لو صدك ما نفتهم
عدنا المهم شهرة قمم خلّ الرعية مطشره
الما يعرفك يالبن ماذب جرش وي الزمن
تلكاه عليل وممتحن وافكاره كلهه مبعثره
مكسوره خاطر دنيتي ومعكوده ضلّلت منيتي
جبر الخواطر سلوتي وعالّلوحه روحي مكسّره
يالجلّبت باسم الطهر عاله انته صدّكَ عالبشر
والنايم لعز الضهر ما يدري بالصار وجره
يالهلهلت وجه الصبح وتبيع اخوك على الربح
هم فكرت من تنسدح يا شفّه بيك محمّره
ارد انصب الحك للعتب ياللابس هدوم الذهب
صايرلي بالمجمع حسب والما يعجبك تنفره
انته على ربعك ما هدت يوم المشيت وتيهت
تركب على الوالدم ردت والما يطيع تكفّره
من كلهه صاحت حيدره جذّابه وتنافق تره
جتلو محمد كوثره النحرو ابنهه على الثره
رحيم الحسيني الحسناوي