جلجلت دنياي واَنه بلا رفيج
ويا رفيج يفيد غير حسينهه
يوم اذا صاح المَلَك بيش التهيت
بيا عذر هالروح توفي بدينهه
بيا لسان احجي اذا مامش لسان
وتبقه بس افعال زين وشينهه
وافضل الاعمال ياهالمؤمنين
تصلي عالعتره وعلي وحسنينهه
صل عالمرسل ابو الزهره البتول
وبالمعالي اجمل صله معلينهه
وصلي عالكرار تاج المخلصين
وعالزجيّه الكسّرو ضلعينهه
وعالحسن صل بكلب ينبض يقين
وعالحسين الروّه بالدم دينهه
وصل عالسجاد ابن خير الانام
السَر عقيلة حيدر وكَر عينهه
وصل عالباقر محمدنه الهمام
وصل عالصادق ابن نورينهه
وصل عالكاظم شهيد النايبات
وعالرضا وارض الغرب وسنينهه
وعالجواد ابن ابن الطهر وابن الرسول
وصل عالهادي وشمس صوبينهه
وياحلاتج يا صلاه باهل اليقين
وتحله باسم العسكري ويا زينهه
وادعي للقائم امام من الالَه
يواسي زينب حيدر وجفينهه
رحيم الحسيني الحسناوي