تويت
لبابك جينه .. بي نادينه .. ياعلي والينه
ظل أظلم المحراب .. عگبك يداحي الباب
...............................................
يباب الفقرة والأيتام @@ وگفنه الليله يم بابك
ننادي إبلوعه وبحسره @@ على إمصاب الذي صابك
ألف وسفة علي دمك @@ صبح هذا المسه إخضابك
يبوتراب وإلك فدوه @@ تروح الدنيه لترابك
يابوالفقره .. جرح الطبره .. ياعلي ظل بينه
جرحك أبد ماطاب * عگبك يداحي الباب
.................................................. ...........
يحيدر ناعي أمصابك @@ يهل إدموعه من ينعه
جبريل النعى والناس @@ من بطن السمة إتسمعه
ينادي اتهدمت والله @@ أركان الهدى وشرعة
وأملاك السمة النزلت @@ تريد لشخصك أتشيعه
نزلت عندك .. تبجي لفكدك .. ياوصي هادينه
اتعزي لسور الكتاب * عكبك يداحي الباب
.................................................. .................
ياأول مسلم وأول @@ شخص أعلنته أسلامك
إبتدت بالكعبة وانختمت @@ علي بمحرابك آيامك
علي ولو ما جنت ساجد @@ فلا طبروا علي هامك
ولا يتم إبن ملجم @@ يداحي خيبر أيتامك
ابسيفه الحاقد .. صابك ساجد .. والآلم ياذينه
كلب اليودك ذاب * عكبك يداحي الباب
مثل ذيج اليتامة اليوم @@ كصدنه ابلوعة نتحسر
الحزن بينه يبوالحسنين @@ مثل ذاك الحزن واكثر
نريد لحالك إنظره @@ ونشوف الراس المطبر
يتاماك ومثلهم صب @@ دمعنه الليلة ياحيدر
أحنه ايتامك .. جمر ألآلآمك .. بالكلب تجوينه
جم جمرة جم مصاب * عكبك يداحي الباب
.................................................. ............
يبو حسين بصابك هاذ @@ بيا حاله الحسن وحسين
اشيصبر كلبه ابو محمد @@ ولحسين اشينشف العين
وابو فاضل ابو الغيرة @@ يحيدر صوباه البين
وزينب يا أبو زينب @@ تناديك إبألم وونين
يا والدنه .. شيظل عدنه .. عـدمن امخلينه
صابانه أقسى أمصاب * عكبك يداحي الباب
.................................................. ...
عكب عينك يداحي الباب @@ بنينك مثلوا بيهـم
مثل هذا الجرة أضعاف @@ يوالينه الجرة أعليهم
بقوا بالغربة ياحيدر @@ ولا واحد يحاميهم
وأمية ياعلي لحسين @@ كطعوا نحره بيديهم
عن أحسينك .. حيدر وينك .. بالغرب والينه
واتوسد اعله اتراب * عكبك يداحي الباب
..........................
الشاعر الحسيني
أبو يقين الصالحي