ام كلثوم ردّت تقره بالقراَن
والوادم بدت تطرب لغانيهه
ردّو بالمصاحف ويه ابن العاص
غدرو بالقلع خيبر امانيهه
داره للظهر عالحضره واويلاه
وانطوه للوجه يطرب يدانيهه
متعذرين عنّك ياابو السجاد
راحت كربلا وراحت معانيهه
متواصين جنهم بالفعل والراي
نفس ابن الجذب باطل يمنّيهه
صاحو حيل الله لنغمة التجويد
جف الباغيه بغيضك يحنيهه
تركو بيت علمك يا علي الكرار
وتوجّه جهلهم لليعانيهه
ردّت امتك ياسيد الكونين
جهرت رده سوده بذل تَجنّيهه
فرحانه العرب ياوالد الثوار
متهنيه وتكَر عين بمبانيهه
تركو مذهبك وتعنو الجذاب
امه على الجذب بذلت تفانيهه
رحيم الحسيني الحسناوي