تويت
قصيدة رقم 1
.
.
طاح حيدر ساجد بمــــــــــــحرابه ** فوگ هام المجد صار صوابـــه
***
ما وگف انسان ضد المرتضـــــــه** وسيفه بالحمـــلات من عده القضـه
ويورد النيران كلمن يبغضـــــــــه** ليث والشجعان كلـــــــــــــهه تهابه
***
گدروا بغدرونه في فرض الصلاه** لان حيدر ذايب بحـــــــــــــب الاله
مايحس بألم لولحظه اجــــــــــــــاه** والمصاب الصار هاي اسبـــــــــابه
***
والملك هليوم كل حلمه انكتــــــــــــل** بالوصي مشغول صار مصابـــــــه
***
تخضبت بدماه هامه من الرســـــول ** من وگع مصـــــيوب چتال الفــحول
لان حيدر نقسه من نفس الاصــــول** وهو قرآن النـــــــطق بكتابــــــــــــه
***
حيف ابو الحسنين ماتمم الصيــــــام ** تفرح بهل اليوم كل ذيــــــچ اللئام
من يمر العيد خالي من الامــــــــــام ** تصرخ اولاده وتون لغيــــــــــابه
***
ينكسر هليوم كل سائـــــــــــل يتيـــم ** طاح حماي الحمـــــه بسيـف اللئيم
حيدر اللي چان جنه من النعيــــــــــم ** مايرد فديوم مـــــــــــــن دگ بابـه
***
***
قصيدة رقم 2
.
.
فاطمه تنوح وتصيح ** ياعلي طايــح جريح
انته حماي الحمـــــه ** ليش متحني بدمـــه
ياعلي طايح جريح
***
فززني المنادي الزلزل الاكــــــــوان
وگع گال الصميده الراهب العـــدوان
تهدم للعقيده بطيحته الاركــــــــــــان
يون لجله الوجود وأعلن الاحـــــزان
هذا تلميــــــــذ الاله** طاح ساجد بالصـلاه
راسه سيف يهشمـه ** ليش متحني بدمـــه
ياعلي طايح جريح
***
نسيت آلآم جرحي وكسرت ضلوعي
وعليك اهمل يضيغم من دمه دموعي
وگل للروح كثري من الحزن لوعي
عله مصاب الصميده الزيد صدوعي
زاد بمصابه الجروح**جرحه يالمني وأنوح
كسر گلبي وثلـــــــمه**ليش متحني بدمـــــه
ياعلي طايح جريـــح
***
يليث الغاب ياحيدر يبو الحسنـــــــــين
صدگ طايح عله الغبره يبو الطيبـــين
من گبري اجيتك ياضوه العينـــــــــين
شطر گلبي المصاب وجسمه نصــــين
صار جرحك بالدليل **ياعلي حان الرحــيل
وتبقه ولدي ميتمـــه** ليش متحني بدمـــه
ياعلي طايح جريح
***
ابشهر الصوم ياحيدر تفارگــــــــــهم
عليك الدور من ترحل بعد امــــــــهم
من بعدك يتامه وياهو اليضمــــــــــهم
وعلى جروح الليالي يصير بلسمــــهم
شلون بالعيد القريب** من بعدعين الحبـــيب
بيه تبقه مألمــــــــه** ليش متحنــــــي بدمه
ياعلي طايح جريح
***
صعب حال الحسن وحسين ياضرغام
نشر حزنه الزمان وَسود الايــــــــــام
من شافوا ابوهم منطبر عــــــــــــلهام
من يرحل شهيـــــــــــــد ومايتم صيام
يرحل بشهر الصيام** وهذا شهر الله الحرام
بيه يصبح مأتمـــــه** ليش متحنــــــي بدمه
ياعلي طايح جريح
***
ونشدك علعقيله شبيــــــــهه وشعدهه
شنهي احوال بتي لفگد والـــــــــدهه
تجددللحزن هليوم موعـــــــــــــدهه
وظن هم الليالي هواي مـــــــاردهه
هذا المصاب الأليــم **هيج الجرح القديــــم
جرح جدهه وفاطمه** ليش متحني بدمـــــه
ياعلي طايح جريـح
***
قصيدة رقم 3
.
.
هليوم گبرك ياعــــــــــلي اتعنينه ** نواسي الزچيه اليوم وتواسينـــه
***
جينه بللوعات ياحامي الحمــــــه ** والدمع نهـــــــران مخلوط بدمه
نشارك بدمعات دمعـــــــه فاطمه ** نشكي ماصــــــار وجره لوالينه
***
بلهفه متعنين حيدر نخدمـــــــــك ** وحنه والزهراء نعقد مأتمــــــك
وبنك المحجوب يبچي ويلثمــــك ** ومنه مجمور الگلــــــب مهدينه
***
جينه بالأحزان نمشي عله الجمـر ** وكلنه علبيبان نوگـــــــف ننتظر
ندري بالزهراء يم گــــــبرك تمر ** اتصيح من فگدك علـــــي تأذينه
***
تگعد ام حسين يمك تنتحـــــــــب ** تجذب الحسات مكســـــوره گلب
بعزه الجبار دمك تحتســــــــــب ** ونته شيدت الاســـــــــــاس لدينه
***
يبقه مدمعهه يهل بهل الدمـــــــع ** وهامك المصيوب ذكرهه الضلع
ولجلك الدلال حيدر منصــــــدع ** ومنهــــــــــــــه هلدلال الله يعينه
***
بعدك الزهراء ماالهه خليـــــــــل ** ومنهـــــــه ياكرار مفطور الدليل
ودمهه بالمحراب وي دمك يسيل ** وكـــــــــل ألم بيكم علي مقسمينه
***
قصيدة رقم 4
.
.
يبوالايتام ** حسافه تنام
وتظل تلوج ايتامك
***
ايتام ظلت ياعـــــــــــــلي ** ودمعه حزن تجريهه
مفگود ابوهه المرتـــضى ** وياهو الذي يواسيهـه
مذهوله تمشي بلاعـــــگل ** يوم انفگد واليهــــــه
والعيد حيدر لوگـــــــــرب ** وهلاله هل عليهـــــه
صفه العنوان ** دمع وأحزان
تنوح وتذكر ايامـــك
***
من ناده جبريل وهتـــــــف ** الدين انهدم بنيــــــانه
بمحرابه طاح المرتضـــى ** وحل الحزن بسمــانه
مشدوهه ايتامك بقـــــــــت ** تهل الدمع حزنانـــــه
جيناك تهتف ياعلـــــــــــي ** وجرحك نزف بدمانه
بلايه الباب ** نخلي خضاب
دم النزف من هامك
***
علباب ظلت تنتحــــــــــب ** وتبچي وتهل مدمعهـه
مفجوعه بمصــــاب الولي ** وهذا الحصل افجعهـه
وبهيده يتـــــــلاله الدمــــع ** خاف الوصي يسمعهه
من جرحه يوگف منتصب ** وكلهه بعطف يجمعهه
الدمع همال ** بهيده الســال
تخاف تهيج آلآمـــك
***
ايتام تبره وي النعـــــــش ** تربي لنعــــش چافلهه
ظلت حياره مـــــــــلوعه ** بعدك علي منهوالــــهه
زادت يتم فوگ اليـــــــتم ** يوم الرحل عايلـــــــهه
فگدت حنانك ياعلــــــــي ** بعطفك چنت شاملهـــه تنوح نياح ** لبوهه الراح
وأملهه تموت گدامك
***
ظات يتامه شيعتــــــك ** يوم الطحت ياحيـــدر
مبليه بسهام الغـــــــدر ** والسيف حز المنـــحر
ايتام چانت ترتجــــي ** لجودك علي تتنــــطر
وحنه عله بابك ننتخي ** شخصك علينه يظــهر
تحزمنه حزام ** نظل خدام
وتصير تراب لجدامك
***
ريتك يحيدر تنتهـــض ** شوف العلينه يجــــره
عادونه تدري لياسـبب ** لحبك علي والعتــــره
خطينه بدمانه العهــــد ** منكم ابد مانبــــــــــره
مجمور مولاي الگلب ** بيكم يطيب يبـــــــــره
بينه اللام ** يعيش اوهام
وفازالوسمه وسامك
***
خادم امير المؤمنين ( ع )
الشاعرعلي كاظم الحصناوي