تويت
القصيدة رقم 1
.
.
العقيله تناشد اخوتــــــهه** حزينه وتهل مدمعـــهه
أحسن بالفلك ينـــــــــدار ** ينعه لحـــــــيدر الكرار
العقيله تناشد اخوتهه
***
يخوتي وسمر دلالـــــــي** اريــــــــــد اليوم أتخبر
عن عودي الصميده وين** عجب للحين مايحــضر
وشنهو العوگه عنــــــــه** ابوي المرتـــضى حيدر
يخوتي الصارخبرونــي** بعد ماشوف بعيونــــي
لون مثلي الجبل ينهــــار** ينعه لحيدر الكـــــــرار
العقيله تناشد اخوتهه
***
اشوف عيون حزنانــــه ** تهل دموعهه بحــــسره
واشوف ايتام مذهــــوله** بصدرهه تختنگ عبره
وظن الحزن ردليــــــنه** يخلي بكل گلب جمــره
اخوهه الحسن صبرهــه** بدمع سچــــاب خبرهه
يجري من الدمع انهـــار** ينعه لحـــــــيدر الكرار
العقيله تناشد اخوتهه
***
ابوي الوالــــــي يازينب** صبغ بدموم محرابــــه
فايز هتــــــــــف تدرينه** حد السيف من صـــابه
وهامه انطبر ياوســــفه ** وعليـــــه عيون سچابه
هام المجد مطــــــبوره** خلي ابالچ الصـــــوره
هام الواسه للمخــــــتار** ينعه لحـــــــيدر الكرار
العقيله تناشد اخوتهه
***
نادت زينب بحســـــره ** صدگ مصيوب والينه
ونصير ايتــــام ياخويه ** ونار الحــــــزن تاذينه
يفارگ حيدر ايامــــــه ** وتخمد شمعـــــة سنينه
وتدري العيد لوجانـــه ** يهل هلال احزانـــــــه
عنه انحجبت الانـــوار ** ينعه لحيدر الكــــــرار
العقيله تناشد اخوتهه
***
جرح الزهره ماهـــــود ** دمعه يجرح خــــدودي
والتمت علي جرحـــين ** جرح الوالده وعــودي
وسمع صوت نادانــــي ** يزينب للحزن عــودي
عودي وردي لحزانــچ ** وهذا الحزن من شانچ
يمچ وصلت الاخبـــــار ** ينعه لحيدر الكـــــرار
العقيله تناشد اخوتهه
***
جدنه الشرع الاســــلام ** ابونه الثبـــــت اركانه
يم سيفه السيوف خيــال ** دوم النصر عنـــــوانه
جاره بكل وكت مامون ** يعيش برغدجـــــيرانه
ظلت من يحاميــــــــهه ** بعد ماطاح واليــــــهه
فجعهه البين بالمغـــوار** ينعه لحيــــــدر الكرار
العقيله تناشد اخوتهه
***
ابوي الچان للايتـــــام ** غيمه ويمطـــر بجوده
يجبر خاطر المكســور ** سفرة فرح ممـــــدوده
ياوسفه الصميده طـاح ** وتظل ايامه مشهــوده
وياهو اليجبر ايتامـــه ** وتظل احلام ايامـــــه
تخلي بكل گلب تذكــار ** ينعه لحـــــيدر الكرار
العقيله تناشد اخوتهه
***
القصيدة رقم 2
.
.
ايتام تــــــــــــودع واليهه ** راح الچان عيــــونه عليهه
***
يم بابك ياشاطر مرحــب ** ولشوفك تترجه وتنحـــــب
ولوتگدرلبيت المطلــــب ** وتگوم بعطفك ترويهــــــه
***
محتاره ووگفت تتنــــطر ** وتترجه لشخصك لويحضر
لاچن ياحيف وماتگــــدر ** توگف ليتامك تحميــــــــهه
***
صاحت ياحيدر نتمنـــــه ** لرسومك ماتبعــــــــــدعنه
بخلافك غربه ومنهوالنـه ** والعين لفگدك نعميـــــــهه
***
ياغربه البعدك ياغــــربه ** طاحت بعـــــــــدك بالنكبه
ومر الماي شلون الشربه ** وفراگك حـيل مأذيــــــــهه
***
نادت ياحزني المايغــــفه ** والجرح الخـزن مايشــــفه
فرگة حيدر كلش صعبـه ** ياچف البعــده يباريهـــــــه
***
مذهوله ولاوين المگصد ** وصار الكون لفگدك اسود
ظلت عن گبرك تتنشـــد ** يم گبرك ياهو يوديـــــــهه
***
القصيدة رقم 3
.
.
صدگ طاح الصميده وفارگ المحـراب ** وصدگ صاب المرادي لهام داحي الباب
***
هتف ناعي المصيبه وزلزل الاكـــــوان ** وگع مصيوب حيــــــدر قالع البيبــــــــان
وهدم للهدايه بطيحته الاركـــــــــــــــان ** وظن صدر البتـــــــول اليوم هم انصــاب
***
شده بالي المصاب وفززاني الصــــــوت ** مثل سهـــــــم المنايه بنص دليلي يفــــوت
وصبغ سودالثياب الخيطـــــــاهه الموت ** لان بالعيدحزني وفصــــــليت ثيـــــــــاب
***
كسر گلبي الزمان وما نصف ويـــــــاي ** نزف جرحـــــــي القديم وتيهيت الـــــراي
بعدجرح البتول المانشف بـــــــــــدواي ** اجه بجرح الصميده وچمـــــــلالي صواب
***
فحص جرحه الطبيب وبين بحســــــره ** يودع اليوم حيـــــــــــــــــــدر يحزم لأمره
بسبب جرحه الچبير المايظن يبـــــــره ** ينطر للرحيل ويوصــــــــــــــــي للاحباب
***
صحت بويه الصميده شلون من فرگاك ** لاترحل بعــــــــــــــــــــــــيد اليوم اترجاك
اجانه العيد بويه ومانحضره ويـــــــاك ** وياعيد النحضره والدليل انعـــــــــــــــــاب
***
غسل دمعي الخدود وغير الاحـــــوال ** وعجيبه عله الوجود شلـــــــــــون ما ينزال
ابو الحملات حيدر بالنعش ينشـــــــال ** وســــــــــــف ليث الحرايب بالمعارك غاب
***
خادم امير المؤمنين ع
علي كاظم الحصناوي
تعليق