تبقه زينب رايه للحك سيدي..يا حسين وبيهه نعلى ونقتدي
للابد يبرالهه .... ثار الحسين
والحرم وعيالهه .... ثار الحسين

ـــــــــــــــــــــــــــــ
ثار ابو الاكبر طريقي وما اميل..وزودي زود الساجي مولانه الجفيل
حيلي حيل العلعل الكَوم العليل..واَنه لدروب العدل هاوي وسليل
ياذي زينب حالهه....ثار الحسين
والحرم وعيالهه....ثار الحسين


زلزلت زينب وحكَ حيدر فلول..وطاحت رجال وفحول من الخيول
ذايب بحبك يبو اليمه وشاكول..نارك على اهل الكفر مثل السيول
ابّالي يبقى وبالهه....ثار الحسين
والحرم وعيالهه....ثار الحسين


زينب تعلّت ابيه وبالمقام..ويعجز يوصف العقيله اعظم كلام
صدّت بدرع الفحل كل السهام..وخلت جيوش الكفر نار وحطام
من زند جفّالهه....ثار الحسين
والحرم وعيالهه....ثار الحسين


يالتناشد هايه بت حيدر علي..قالع حصون الكفر بيده الولي
باسمه يادنيه استغيثي وزلزلي..ويا شمس كَولي لامر حيدر بلي
وللشدد خيالهه....ثار الحسين
والحرم وعيالهه....ثار الحسين


وسفه ننسه الجتّلوهم بالطفوف..ووذروهم عالثرى بحد السيوف
تبكَه رايتنه الهوت ويه الجفوف..تبكَه للمحشر لوانه وما نعوف
تنعه اله وينعالهه....ثار الحسين
والحرم وعيالهه....ثار الحسين


اَنه يبن الزهره عبدك للمعاد..وخصمي تسعر كَلبه نيران المهاد
انته منبع للعداله وللسداد..واسمك اعضم مذخر لدرب الجهاد
يالتشوف احوالهه....ثار الحسين
والحرم وعيالهه....ثار الحسين
رحيم الحسيني الحسناوي