جينه نعلك شمعه لولاد الزجيه..ونبجي للصار وجره بالغاضريه
ــــــــــــــــــــــــــــــــــــــــــــــــــ ـــ
ــــــــــــــــــــــــــــــــــــــــــــــــــ ـــــــــــــــــــ
جينه نلطم عالنذر يسره ويمين..وواسه بجفوفه العقيله اخت الحسين
جينه ننعى ويه الزجيه ويه الامين..نبجي وي حيدر على اهله الطاهرين
ما نبطل من العزه صبح ومسيه..ونبجي للصار وجره بالغاضريه


جم جرح بينه استعر يوم الطفوف..يوم ابو الاكبر خذت جسمه السيوف
والحرم يمهه النواصب من تحوف..تندب الضل عالشريعه بلا جفوف
بينه ابو الاكبر يضل ثار وهويه..ونبجي للصار وجره للغاضريه


ياعلينه الرايه بجفوف الجفيل..رفرفت للحكَ ولا ابداَ تميل
سالت على الحكَ دموم وهم تسيل..للقيامه وتسعر جروح العليل
ونبقه نصرخ لليوث الهاشميه..ونبجي للصار وجره بالغاضريه


ما رحم بيت الميامين الدهر..يلجم ويا ذينه بالطف الخبر
يوم ابو فاضل يمينه من انطبر..عالشريعه الجف نزف ويه النحر
ونندب الساجي وجفيل الفاطميه..ونبجي للصار وجره بالغاضريه


ضلّت ضعون الهواشم بالذهول..والحرم تندب يبو اليمه وتكَول
داست علينه بحوافرهه الخيول..تصهل على اهلك يبو سكينه وتجول
بينه عبره وما تفك حد المنيه..ونبجي للصار وجره بالغاضريه


سلمت ارض وسمه على اهل الامام..ولعنت جيوش الحقد كَوم اللئام
تنعى الاملاك بحزن كَوم الكرام..وتندب عليكم يمولانا السلام
جم جرح بينه انتفض للزينبيه..ونبجي للصار وجره بالغاضريه
رحيم الحسيني الحسناوي