زينب من مشت للشام ما واحد رحم بيهه
تتفرج عليهه الناس تومي وتاشر عليهه
هودجهه على اخيهه يميل والدمعه على جاريهه
تنضرله بعتب وتكول خويه اختك تَصد ليهه
شوف شسوت العربان والكوفه ونواحيهه
ملهوفه وتهوج صفوف ورسوم السعد بيهه
ضلّت زينبك يحسين راح اللي يحاميهه
راح البالشدد لو كَام بيده يفور المحدّر
من بعده المنايا تحوف وخيول وزلم تفتر
ماجان على بالي الصار خويه وجان المكدر
لا عم يفزع بهاليوم يا ضي عيني واتصبّر
لا مسلم يحركه بجاي للوادم حله المنضر
ريت انه بدليلي رماح يبن امي ونزف منحر
ولا اشوق الرؤوس تلوح واهل الشر تعلّيهه
رحيم الحسيني الحسناوي