نقسملك ما نترك دربك ونصون رباتك..نتبع خطوات الكرار ونتبع خطواتك
نقسملك يحسين..بالرايه وجفّين
نتبع خطوات الكرار ونتبع خطواتك


نعاهد والعهد يبن الفحل بالدم...نصول وعالشدايد ما ابد نهتم
على مصابك نشد عالنايبه ونلتم...يروح المرتضى وسبط النبي الاكرم
تبقى انته الحكَ يبن الزهره وصوتك يحيينه...ماننساك وننسه العتره وحبّك يروينه
نيشان البحنين..بالرايه وجفين


يوحي الله النزل بيكم ياَل حسين...يرايات العداله ويااصول الدين
لكَيناكم نهر من دم يضوي العين...لجل نور الهدايه توسديتو البين
انتم اَيات الرحمن وجدكم هادينه...والكرار رباة الزود بسيفه يحامينه
ضل منصور الدين...بالرايه وجفين
نتبع خطوات الكرار ونمشي بخطواتك


عدوكم من زمن جدكم نصب عدوان...شعل نار وحرب ضدكم ابن سفيان
يدَورون المناصب زمرة البهتان...ورغم ذيج النواصب ضل علي البنيان
لو ذبحو كل هاي الساده وكل هاي الشيعه...مانترك حبكم يحسين واسمك منبيعه
بالحكَ متمسكين...بالرايه وجفين


لزم خصمك دُروبك يا كَطيع الايد...نصب ولد البغايا وكل اهالي يزيد
يفجرونه وعلى عناد السقيفه نزيد...الشهاده بدرب ابو الاكبر لهلنه العيد
لو لغموهه بنار دروبك صدك نمشيهه...بت حيدر زينب بالروح وبالدم نفديهه
ما نرتد ماضين...بالرايه وجفين
نتبع خطوات الكرار ونمشي بخطواتك


كَبل جان اليزورك ياعلي يبتروه...وهسه اللي يجيلك صارو يفجروه
مقامك والعلم يابا الحسن يردوه..يغيب ولا اضن ذرة علم شالوه
لا علم ولا دين اعدائك ياوالد شبّر...غداره واحسن مابيهم بالمامش مغتر
مدكَوره الصوبين...بالرايه وجفين
نتبع خطوات الكرار ونمشي بخطواتك


دمانه البالوريد تصير الك انهار...وندكَ لجلك مراكب من لهيب النار
نجيك وخل تجابلنه وتجي الكفار..نروايهم شجاعه المن علي الكرار
نهتف باسمك يحسين انته الاول والتالي...ابقى اَنه المجنون بحبك وانته اعظم غالي
يالمجدك مجدين...بالرايه وجفين