قضيتنه الحُسين وكربلا طفوفه..قضيتنه الجفيل وطيحة جفوفه

قضيتنه السبايا وزينب الحره..قضيتنه العداله وعبرة العبره
قضيتنه الجفيل وطيحة جفوفه
ــــــــــــــــــــــــــــــــــــــــــــــــــ ـ
قضيتنه الرساله الغيّرو فحواهه والقراَن..قضيتنه الخوارج واَل اميه الهدمو البنيان
قضيتنه الامامه الـ الله فارضهه على انس وجان...قضيتنه الحقيقه الغيروهه وتبعو الشيطان
قضيتنه النبوه وفاطمه الزهره...قضيتنه الجنين الضل على الغبره
قضيتنه الالَه وحكمته وامره..قضيتنه العداله وعبرة العبره
قضيتنه الجفيل وطيحة جفوفه


قضيتنه الامام الباكَو اهل الباطل حكَوكه...قضيتنه الغريب الفرهدت كوم الكفر نوكَه
قضيتنه الكلب ضل عاشكَ وما وافه معشوكَه..قضيتنه الدليل المايمل طول الوكت شوكَه
قضيتنه العليله ودم علي الاكبر...قضيتنه الرضيع وسهمه بالمنحر
قضيتنه الدموم الغطّت الغبره...قضيتنه العداله وعبرة العبره
قضيتنه الجفيل وطيحة جفوفه


قضيتنه الشَريعه المهدويه وحجة الاسلام...قضيتنه الامام القائم اليضهر على الضلّام
قضيتنه الشروع بخدمته وللحك نضل خدام...قضيتنه المدينه ومكه والطف والنجف والشام
قضيتنه البقيع وطوس ابن موسه..قضيتنه اليفجر العسكري ندوسه
قضيتنه الجَمل والكوفه والبصره...قضيتنه العداله وعبرة العبره


قضيتنه الفقر والحاجه والدك راية الحرمان...قضيتنه الكريم على الخلايق كرم الانسان
قضيتنه انتفاضه على النواصب ننتفض بركان...قضيتنه بعقيدة حيدره نهزهزهه للاركان
قضيتنه الغدر بالساده والشيعه...قضيتنه لدماهم كل دم نبيعه
قضيتنه الضحايا البالدمه موجره...قضيتنه العداله وعبرة العبره


قضيتنه اليزورابن الزجيه بغل يذبحونه...قضيتنه الكَصد حامي الضعينه بهم يفجرونه
قضيتنه الموالي العتره كوم الشر يوذرونه...قضيتنه اليحب حيدر علي بيا حك ينحرونه
قضيتنه السقيفه الغدرت بحيدر...قضيتنه الرعيه الماوفت شبر
قضيتنه الامام القائم وامره...قضيتنه العداله وعبرة العبره
قضيتنه الجفيل وطيحة جفوفه


قضيتنه الامام الساجد ابن المصطفى السجاد...قضيتنه الامام الباقر وجعفر ضوه العباد
قضيتنه الامام الكاظم وابنه الرضا الاجواد...قضيتنه الجواد وضنوته الهادي الفخرهم زاد
قضيتنه الحسن وابنه الطهر اَيه...قضيتنه الامام الحجه والرايه
قضيتنه الكلب ماضن بقه بصبره...قضيتنه العداله وعبرة العبره