صرخ دم الشهاده....ذكر حيدرعباده
ــــــــ
ــــــــــــــــــــــــ
نبجيهه الليالي بمهمل العين..الك هاليوم يحسين
نوافيك ونرد لو ذرّه من ديَن..الك هاليوم يحسين
على مصابك نون يبن الميامين..الك هاليوم يحسين
على الحره العقيله ومالم البين.الك هاليوم يحسين
محبتك النه عاده...ذكر حيدر عباده

ضلام الدنيه وجّر وحشة الدار..الك هاليوم يحسين
على مصابك تلوج بحسره الاشعار..الك هاايوم يحسين
فلا تبره العلل للي جره وصار..الك هاليوم يحسين
عزانه على العليهه شحت انصار...الك هاليوم يحسين
نذير الامّ ناده...ذكر حيدر عباده

بجت لمصابك السبعه ويه الجبال...الك هاليوم يحسين
صدك ارجس شمر للعتره جتال...الك هاليوم يحسين
صدك زينب وحيده بنص العيال...الك هاليوم يحسين
صدكَ ماضل ولي الا وفوك الرمال...الك هاليوم يحسين
الكلب باسمك وداده....ذكر حيدر عباده

يمن كون وارض بس لاجلك تدور...الك هاليوم يحسين
نهل لجلك مدامع حمره وتفور...الك هاليوم يحسين
نطبّر هالرؤوس ونخسف صدور....الك هاليوم يحسين
تمنيت على دربك نحري منحور...الك هاليوم يحسين
وانال اعظم سعاده...ذكر حيدر عباده

شوكت قائم محمد ياخذ الثار...الك هاليوم يحسين
فحل زوده انحدر من حامي الجار...الك هاليوم يحسين
نضحيله بمهجنه ونفدي الاعمار...الك هاليوم يحسين
يرد ثار الزجيه وثار الاطهار..الك هاليوم يحسين
وعد ربّه بمداده..ذكر حيدر عباده

تعلّمنه الاباء ورفعَة الراس...الك هاليوم يحسين
قسم يبن الطهر ما ننسه عباس...الك هاليوم يحسين
نثور على الخوارج كَوم الارجاس...الك هاليوم يحسين
تضل انته العقيده وللكرم ساس..الك هاليوم يحسين
الكلب ناثر سواده..ذكر حيدر عباده